مەملەكەت باسشىسى قاسىم-جومارت توقاەۆ زەينەتاقى جيناقتارىنىڭ شەكتى مەجەسىن كوتەرۋ تۋرالى شەشىمگە قاتىستى كوپشىلىكتىڭ وتىنىشىنە قۇلاق استى, دەپ حابارلايدى پرەزيدەنتتىڭ ءباسپاسوز حاتشىسى بەرىك ءۋالي.
«شەكتى مەجە كەلەسى جىلدان باستاپ ەڭ تومەنگى جالاقىنىڭ وسۋىنە بايلانىستى كوتەرىلەدى. زەينەتاقى جۇيەسىنىڭ نەگىزگى مىندەتى – ازاماتتاردى زەينەتكە شىققاننان كەيىن قاجەتتى جەتكىلىكتى تابىسپەن قامتاماسىز ەتۋ. سوندىقتان زەينەتاقى جيناقتارىنىڭ شەكتى مەجەسىن كوتەرۋ جونىندەگى شەشىم – نەگىزىنەن وسى باعىتتاعى دۇرىس قادام» دەپ جازىلعان حابارلامادا.
سونىمەن قاتار مەملەكەت باسشىسى زەينەتاقى قورىنداعى شەكتى مەجەدەن اسقان قارجىسىن پايدالانىپ ۇلگەرمەگەن ازاماتتاردى قولداپ, ۇكىمەتكە بۇرىنعى شەكتى مەجەنى كوتەرۋ مەرزىمىن 2022 جىلدىڭ 1 ساۋىرىنە دەيىن ۇزارتۋدى تاپسىردى.
