باس قالاداعى جاياۋ جۇرگىنشىلەر وتكەلىنىڭ الدىنان شۋىلدايتىن جولاقتار ورناتىلدى. مۇنداي قىزىق جولاقتار كولىك جۇرگىزۋشىلەرىنىڭ جاياۋ ادامدار وتەتىن جەرگە نازارىن اۋدارۋعا كومەكتەسەدى.
قالالىق پوليتسيا دەپارتامەنتى ءباسپاسوز قىزمەتىنىڭ ماماندارى مۇنداي سىزىقتار 7 جول ۋچاسكەسىندە ورناتىلعانىن حابارلادى. بۇل تاجىريبە الداعى ۋاقىتتا جالعاسادى دەيدى ولار. «مۇنداي شارالار قالا جولدارىنداعى قاۋىپتى ۋچاسكەلەردىڭ سانىن ازايتۋعا جانە جول-كولىك وقيعالارىن بولدىرماۋعا مۇمكىندىك بەرەدى» دەپ اتاپ ءوتتى ەلوردالىق پوليتسيا دەپارتامەنتىنىڭ جەتەكشىسى, گەنەرال-مايور ەرجان سادەنوۆ. پوليتسەيلەر قالاداعى ءارتۇرلى جول بولىكتەرىندە قىزىق جولاقتار ورناتۋ جونىندە ءوتىنىش-حاتتار جازادى. نەگىزىنەن, ونداي قاۋىپتى جول بولىكتەرى شاعىن كوشەلەر مەن ورامداردىڭ ىشكى جاعىندا ورنالاسقان.
