شىعارماشىلىق – ءار تامشىدا
جۋىردا «وكەانارت» ارت-تەراپيا شىعارماشىلىق ورتالىعى اشىق الاڭدا اقكول بالالار ءۇيىنىڭ تاربيەلەنۋشىلەرىنە قىزىقتى اكتسيا ۇيىمداستىردى. شاراعا ستەپنوگورسك بالالار ءۇيىنىڭ بۇلدىرشىندەرى مەن قالانىڭ وزگە دە كىشكەنتاي تۇرعىندارى قاتىسىپ, ءماز-مەيرام بولدى.
قولدارىندا بوياۋ قۇيىلعان شەلەكتەرى بار بالاقايلار تاپسىرماعا بىردەن كىرىستى. الدىمەن قۇرعاق اسفالتقا سۋدى توگىپ جىبەرىپ, كەيىن ونى بوياۋمەن بارىنشا ورنەكتەدى. ءبىرى اسپاننىڭ, گۇلدىڭ, اڭ-قۇستاردىڭ سۋرەتىن سالسا, ەندى بىرەۋلەرى جازۋ جازىپ جاتتى. ءتىپتى, قىلقالامىن تاستاپ جىبەرىپ, بار بوياۋدى بىردەن توگىپ, قولىمەن كومپوزيتسيا جاساعاندار دا بولدى. كاسىبي ەمەس, بىراق ەرەكشە… قاس-قاعىم ساتتە قارا جەر ءتۇرلى-ءتۇستى كىلەمگە اينالىپ شىعا كەلدى.
«اتالعان اكتسيا «شىعارماشىلىق – ءار تامشىدا» دەگەن اتاۋمەن 2008 جىلدان بەرى ءداستۇرلى ءتۇردە ءوتىپ كەلەدى. ماقساتىمىز – ءبۇلدىرشىندەردىڭ كوڭىلىن كوتەرۋ جانە ولاردىڭ شىعارماشىلىققا دەگەن قىزىعۋشىلىعىن ارتتىرۋ» دەيدى ۇيىمداستىرۋشىلار.
كۇنايىم ساكەن