كەشە ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ تۇڭعىش پرەزيدەنت زالىندا شىعىس قازاقستان وبلىسىنىڭ اكىمى بەردىبەك ساپارباەۆ استانادا وقيتىن شىعىسقازاقستاندىق ستۋدەنتتەرمەن جانە زيالى قاۋىم وكىلدەرىمەن كەزدەستى.
كەزدەسۋدى ۋنيۆەرسيتەت رەكتورى, تاريح عىلىمدارىنىڭ دوكتورى, قر ۇعا كوررەسپوندەنت-مۇشەسى ەرلان سىدىقوۆ اشتى. سودان كەيىن بولاشاق جاس مامانداردىڭ الدىندا وبلىس اكىمى ءسوز سويلەپ, شىعىستاعى سونى سەرپىلىستەر تۋرالى بايان ەتتى. ءوندىرىس, اۋىل شارۋاشىلىعى, عىلىم, كاسىپكەرلىك, ءبىلىم, دەنساۋلىق سالاسىندا جاس ماماندار قاجەت ەكەنى جەتكىزىلدى.
اسىرەسە, ءوندىرىس, مەديتسينا, ءبىلىم سالاسى مەن كولىك قۇرايتىن زاۋىتتار ءبىلىمدى دە بىلىكتى ماماندارعا مۇقتاج. وسى رەتتە ءسوز سويلەگەندەر اقجول تىلەپ, ونەرلى جاستارعا اقىل-كەڭەسىن ايتتى.
ءوز كەزەگىندە ءسوز العان ستۋدەنتتەر كوڭىلدە جۇرگەن, كوكەيگە تۇيگەن ساۋالدارىن اكىمگە قويىپ, پىكىر الماستى. جاستاردى ايماقتىڭ ەكونوميكالىق, الەۋمەتتىك الەۋەتى, دەنساۋلىق, ءبىلىم بەرۋ سالاسىنداعى جاڭالىقتارى قىزىقتىردى. اسىرەسە, كەلەسى جىلدان جۇزەگە اساتىن شاعىن «ەكسپو» جوباسى ساليقالى اڭگىمەگە ارقاۋ بولدى.
ايماقتىڭ سونى سەرپىلىستەرى تۋرالى اڭگىمەلەپ, جاستاردىڭ سۇراقتارىنا جاۋاپ بەرگەن سوڭ بەردىبەك ساپارباەۆ استانادا ءبىلىم الىپ جاتقان 30 ستۋدەنتكە ورتاشا كولەمدەگى شاكىرتاقى – وبلىس اكىمىنىڭ سىياقىسىن تابىس ەتتى.
باسقوسۋ سوڭىندا شىعىسقازاقستاندىقتار ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنە شاعىن اۆتوبۋس سىيعا تارتتى.
بازاربەك تۇكىباي
