قالا باسشىسى التاي كولگىنوۆ پروبلەمالىق ۇلەسكەرلىك نىسانداردى ارالاۋدى جالعاستىرىپ, سولاردىڭ بىرنەشەۋىنە باردى.
الدىمەن شاھار باسشىسى ون بەس جىلدان بەرى قۇرىلىسى بىتپەگەن, 500 ۇلەسكەرى بار «تەرريتوريا كومفورتا-1» تۇرعىن ءۇي كەشەنى جاعدايىمەن تانىستى. تەحنيكالىق تەكسەرۋ عيماراتتىڭ اپاتتى ەكەنىن كورسەتتى. باستىسى ينۆەستور تابىلدى. ەگەر باسقا پروبلەمالىق نىسانداردىڭ ەڭ بولماعاندا ىرگەتاسى قالانسا, بۇل جەردە بارلىعىن بۇزىپ, قۇرىلىستى قايتا باستاۋ قاجەت بولىپ وتىر. اتالمىش تۇرعىن ءۇي كەشەنى بلوكتارىن بۇزۋ اعىمداعى جىلدىڭ سوڭىنا دەيىن اياقتالادى.
قالا باسشىسى «سۋلەيمان» تۇرعىن ءۇي كەشەنى ۇلەسكەرلەرىمەن دە كەزدەستى. مۇندا 45 ادام ءوز پاتەرلەرىن كۇتۋدە. نىسانداعى قۇرىلىس جۇمىستارى توقتاتىلعان. ا. كولگىنوۆ ينۆەستوردى ىزدەۋ, قۇرىلىس جوباسىن ازىرلەۋ ءبىرىنشى كەزەكتەگى مىندەتتەر بولىپ تابىلاتىنىن اتاپ ءوتتى. رۇقسات قۇجاتتارىن العاننان كەيىن قۇرىلىس سالۋشى ۋچاسكەدەگى قۇرىلىس جۇمىستارىن قايتا باستايدى.
«شىعىس» تۇرعىن ءۇي كەشەنىن ينۆەستورلاردىڭ قارجىلاندىرۋى باستالدى. مۇنداعى ۇلەسكەرلەر سانى – 390 ادام. قالا باسشىسى الدىندا دا وسى نىسانعا بارعان. سودان بەرى ءۇيدى جىلۋمەن قامتۋ, شاتىردى جوندەۋ بويىنشا جۇمىستار جاڭعىرتىلدى, قاجەت قۇرىلىس ماتەريالدارى اكەلىندى. ەلەكترەنەرگياسى تارتىلدى. بۇگىندە بۇل ءۇيدىڭ 60-قا جۋىق ۇلەسكەرى باسپانالارىنا كوشىپ كەلىپتى.
