«سيقىرلى» سۋسىندارعا تىيىم سالىنسا
بۇگىندە ەنەرگەتيكالىق سۋسىنداردىڭ بىرنەشە ءتۇرى دۇكەندەردىڭ ءوتىمدى تاۋارلارىنا اينالعان. ونىمەن قوسا, تۇتىنۋشىلاردىڭ سۇرانىسىن ودان ءارى ارتتىرۋ ءۇشىن ءتۇر–ءتۇرى ساتىلىمعا شىقتى. ەنەرگەتيكالىق سۋسىندار شارشاعاندى باسىپ, ادام بويىنا كۇش–قايرات دارىتىپ, قاناتتاندىرادى دەيتىن جارنامالار قاپتاپ كەتتى. الايدا اتالمىش سۋسىنداردى ساتۋعا الەمنىڭ كوپتەگەن ەلدەرىندە نەگە تىيىم سالىندى؟
كورشىلەس رەسەي ەلىندە ەنەرگەتيكالىق سۋسىن تەك كامەلەتتىك جاسقا تولعان ازاماتتارعا ساتىلسا, قىتايدا قۇرامىندا تىيىم سالىنعان ۇستەمەلەر بولۋى مۇمكىن دەگەن پايىمداۋمەن دۇكەن سورەلەرىنەن الىنىپ تاستالدى. ال دانيا, فرانتسيا, نورۆەگيا ەلدەرى بۇل سۋسىنداردى تەك ءدارىحانالاردا ساتۋعا رۇقسات ەتكەن.
قازىرگى تاڭدا ەلىمىزدە بۇل تاۋاردىڭ بىرنەشە ءتۇرى بار. جاستار اراسىندا «رەد بۋلل», «پۋش», «ديززي», «بيورن» سياقتى سۋسىندار ءوتىمدى.
ستۋدەنتتەر دە, مەكتەپ وقۋشىلارى دا وسى ءبىر «سيقىرلى سۋسىندارعا» قۇمار-اق. الايدا, دارىگەر ماماندار ونىڭ ادام دەنساۋلىعىنا وراسان زور زيان كەلتىرىپ, ءتىپتى السىزدىككە اكەلەدى دەيدى. ولاردىڭ باعالارى دا قولجەتىمدى. شامامەن العاندا 140 تەڭگەدەن باستالاتىن سۋسىنداردىڭ ەڭ قىمباتى – 700 تەڭگە. كوپشىلىك سول سۋسىنداردى دەمالىس ورىندارىندا, ءدامحانا, بار مەن تۇنگى كلۋبتاردا پايدالانۋعا ادەتتەنسە, ستۋدەنت جاستار كەزەكتى سەسسيانىڭ مەرزىمى جاقىنداعان ۋاقىتتا كۇش-قۋات كوزى رەتىندە ءىشۋدى داستۇرگە اينالدىرعان.
قالاي دەسەك تە, ەنەرگەتيكالىق سۋسىنداردىڭ قۇرامىندا ادام اعزاسىنا زياندى قوسپالاردىڭ كوپتىگىن مامانداردىڭ جوعارىدا كەلتىرگەن دەرەكتەرىنەن بايقايمىز. قازاقستاندا ەنەرگەتيكالىق سۋسىنداردى وندىرۋگە دە, ساتۋعا دا تىيىم سالعان دۇرىس. بۇل جاستاردىڭ بولاشاعى ءۇشىن اۋاداي قاجەت.
ەركەجان ساتىمبەك