جاڭالىقتار
Smart Astana: ءۇش كۇن ىشىندە 500-گە جۋىق ازامات اكىمشىلىك ايىپپۇل تۋرالى اقپارات الدى
بۇل تۋرالى قالالىق احۋالدىق ورتالىق جۇمىسىمەن تانىسۋعا ارنالعان پرەسس-تۋر بارىسىندا قالانى تۇراقتى دامىتۋ ورتالىعىنىڭ ءىت- ارحيتەكتورى ۆيتالي پۋستوۆويتەنكو مالىمدەدى.
– باعدارلاما تۇرعىنداردىڭ قىزىعۋشىلىعىن تۋدىردى. ءۇش كۇن ىشىندە Smart Astana Bot تەلەگرامم مەسەندجەرىنە ازاماتتاردان 10 مىڭ سۇرانىس كەلگەن. ونىڭ 500-گە جۋىعى اكىمشىلىك ايىپپۇل تۋرالى اقپارات الدى. وسىعان بايلانىستى باعدارلامانىڭ كۇشىن ارتتىرۋدى كوزدەپ وتىرمىز. بۇگىندە Bot بويىنشا ەكى ءتۇرلى قىزمەت ءتۇرىن الۋعا بولادى. ول – اكىمشىلىك ايىپپۇلدىڭ بار-جوعىن تەكسەرۋ جانە ءوزىنىڭ ەمحاناسىن تابۋ. الداعى ۋاقىتتا رەسۋرستىڭ مۇمكىندىكتەرىن ارتتىرىپ, جاڭا قىزمەت تۇرلەرىمەن تولىعاتىن بولادى, – دەيدى ۆيتالي پۋستوۆويتەنكو.
گۇلميرا ايماعانبەت
