استانا قالاسى اكىمىنىڭ ورىنباسارى ماليكا بەكتۇروۆانىڭ قاتىسۋىمەن «ەكسپو-2017» حالىقارالىق كورمەسىنىڭ دايىندىق جۇمىستارىنا بايلانىستى ءباسپاسوز ماسليحاتى ءوتتى. جيىنعا استانا قالاسىنىڭ جاستار ساياساتى ماسەلەلەرى باسقارماسىنىڭ باسشىسى اسXات ورالوۆ پەن «استانا كونۆەنشن بيۋرو» جشس ديرەكتورى سانيار ايتەكەنوۆ قاتىستى.
ماليكا ەرلانقىزىنىڭ ايتۋىنشا, «ەكسپو-2017» حالىقارالىق كورمەسىنە دايىندىق جۇمىستارى جوعارى دەڭگەيدە جۇرگىزىلگەن. ماسەلەن, حالىقارالىق كورمەدە شەت ەلدىك قوناقتارعا 1500 ەرىكتى قىزمەت كورسەتەتىن بولادى. سونداي-اق, ول «استانا كونۆەنشن بيۋرو» جشس ءتۋريزمدى دامىتۋ ماقساتىندا قۇرىلعانىن تىلگە تيەك ەتتى. اتالعان مەكەمەنىڭ باسشىسى سانيار ايتەكەنوۆ شەت ەلدىك قوناقتارعا جان-جاقتى جاعداي جاسالعانىن ايتادى. مىسالى, تۋريستىك اقپاراتتىق دۇڭگىرشەكتەر حالىقارالىق اۋەجايدا, تەمىرجول ۆوكزالىندا جانە «حان شاتىر» سوسو-دا جۇمىس ىستەيدى.
– اعىمداعى جىلدىڭ 5 ماۋسىمىنان حالىقارالىق اۋەجايدىڭ جاڭا تەرمينالىندا, جاڭا تەمىرجول ۆوكزالىندا, سونداي-اق, «Mega Silk Way» سوسو-دا اقپاراتتىق كيوسكىلەر ءوز جۇمىستارىن باستادى. سونىمەن بىرگە, 29 ساۋىردەن باستاپ تۋريستىك Call-ورتالىق تاۋلىك بويى جۇمىس ىستەپ كەلەدى. قازىرگى تاڭدا وپەراتورلار ءۇشىن 3 ىشكى بايلانىس كانالى جۇمىس ىستەيدى, تاياۋ ارادا Call-ورتالىقتىڭ ساپالى قىزمەت كورسەتۋى ءۇشىن قوسىمشا اپپاراتتار ورناتىلادى, – دەدى ول.
اسxات رازدىقۇلىنىڭ ايتۋىنشا, كورمەگە ۆولونتەرلەردى دايىنداۋ بارىسىندا استانا قالاسىنىڭ اكىمدىگى ۇلكەن ۇيىمداستىرۋشىلىق جۇمىستار اتقارعان. ماسەلەن, ول ەڭ ءبىرىنشى كەزەڭدە شەت تىلدەرىن ەركىن مەڭگەرگەن ستۋدەنتتەر قاتارىن جيناۋ جۇمىسى جۇرگىزىلگەنىن اتاپ ءوتتى.
– ەرىكتىلەردىڭ قاتارىنا استانالىق جوو-نىڭ ستۋدەنتتەرى مەن كەيبىر مەكتەپتەردىڭ جوعارى سىنىپ وقۋشىلارى كىردى. سونداي-اق, جاسى ەگدە تارتقان قالا تۇرعىندارى دا ەرىكتى بولىپ قىزمەت كورسەتۋگە نيەت تانىتتى. ءساۋىر ايىنان باستاپ ل.ن.گۋميلەۆ اتىنداعى ەۇۋ-دا ەرىكتىلەردىڭ قالالىق شتابى قۇرىلدى جانە call-center قىزمەت ەتە باستادى. شتابتىڭ جۇمىس جوسپارى, تۇجىرىمداماسى جانە ەكسپو-2017 ۆولونتەرىنىڭ جادىناماسى ازىرلەنىپ, بەكىتىلدى. ستۋدەنتتەر قاتارىنان ۆولونتەرلەردىڭ ۇيلەستىرۋشىلەرى جانە وقىتۋشىلار قاتارىنان كۋراتورلار تاعايىندالدى, – دەدى ول.
سەرىك
جولداسباي
