نۇر-سۇلتان قالاسىنىڭ ءدىن ىستەرى باسقارماسى جاستار ساياساتى ماسەلەلەرى باسقارماسىمەن بىرلەسىپ, ەلوردالىق جوعارى وقۋ ورىندارىندا ءدىن ماسەلەلەرى بويىنشا اقپاراتتىق-ءتۇسىندىرۋ جۇمىسىن باستادى.
قازاقستان رەسپۋبليكاسىندا ءدىني ەكسترەميزم مەن تەرروريزمگە قارسى ءىس-قيمىل جونىندەگى 2018-2022 جىلدارعا ارنالعان مەملەكەتتىك باعدارلامانى ىسكە اسىرۋ اياسىندا ءدىن سالاسى ماماندارىنىڭ ەلوردا ستۋدەنتتەرىمەن كەزدەسۋى ءوتتى. كەزدەسۋلەردىڭ ماقساتى – جاستاردىڭ ءدىني ەكسترەميزم يدەولوگياسىنا قارسى يممۋنيتەتىن قالىپتاستىرۋ, سونداي-اق حالىقتىڭ ءدىني جانە قۇقىقتىق ساۋاتتىلىعىن ارتتىرۋ, قازاق حالقىنىڭ داستۇرلەرى مەن قۇندىلىقتارىن ناسيحاتتاۋ, راديكالدى ءدىني اعىمداردىڭ قاۋىپتىلىگى تۋرالى ەسكەرتۋ, قازاقستان رەسپۋبليكاسىنىڭ ءدىن سالاسىنداعى زاڭناماسىنىڭ تالاپتارىمەن تانىستىرۋ.
شاراعا قالالىق ءماسليحاتتىڭ دەپۋتاتى ب.جاندىلداەۆ, قوعام بەلسەندىسى و.سۇلەيمەنوۆ, بەلگىلى ءدىنتانۋشى ق.تىشحان, تەولوگ م.سماعۇلوۆ قاتىستى.
«بۇگىنگى دارىستە ءبىز ستۋدەنتتەرمەن سۇحباتتاسىپ, جاستاردىڭ ءدىن سالاسىنداعى ءبىلىم دەڭگەيىن انىقتادىق. مەنىڭ ويىمشا, مۇنداي ءىس-شارالاردا ءبىز جاستارمەن ەركىن قارىم-قاتىناس جاساي الامىز جانە جالعان ءدىني ۋاعىزشىلارعا بارماي-اق, ونى دۇرىس اقپاراتتى سىڭىرۋگە ۇيرەتە الامىز» دەپ اتاپ ءوتتى م.سماعۇلوۆ.
كەزدەسۋگە قاتىسۋشىلار ەلىمىزدىڭ ءدىن سالاسىنداعى قازىرگى احۋالى, ءدىني ەكسترەميزمنىڭ الدىن الۋ باعىتتارى مەن پروبلەمالارى, ءداستۇرلى ەمەس ءدىني اعىمداردىڭ قىزمەتىنە قارسى ءىس-قيمىلدىڭ نىساندارى مەن ءادىستەرى, ەكسترەميزم مەن تەرروريزم پروفيلاكتيكاسىنداعى ءدىنتانۋ ءبىلىمى مەن ءدىني ادەبيەتتىڭ ءرولى ماسەلەلەرىن تالقىلادى.
