توتەنشە جاعدايلار مينيسترلىگىنىڭ اۋماقتىق بولىمشەلەرى سۋ ايدىندارىندا ادامداردىڭ (بالىقشىلاردىڭ) قايتىس بولۋىنىڭ الدىن الۋ بويىنشا رەيدتىك پروفيلاكتيكالىق ءىس-شارالار وتكىزەدى.
رەيد بارىسىندا بالىق اۋلاۋ كەزىندەگى قاۋىپسىزدىك شارالارىن ساقتاۋ تۋرالى اقپاراتتىق جادىنامالار تاراتىلادى. بۇل تۋرالى قر تجم رەسمي وكىلى تالعات ءۋالي حابارلادى. «اڭ جانە بالىق اۋلاۋ ماۋسىمى باستالعاننان بەرى (2020 جىلعى 1 قازان-7 جەلتوقسان) ەلدىڭ سۋ ايدىندارىندا 21 ادام, ونىڭ ىشىندە 5 بالا كوز جۇمدى. وسىعان بايلانىستى ەل ازاماتتارىنىڭ نازارىن سۋ ايدىندارىندا, قىس مەزگىلىندە, ءبىرىنشى كەزەكتە قاۋىپسىزدىك ەرەجەلەرىن ساقتاۋعا اۋدارامىز» دەدى قر تجم رەسمي وكىلى.
