ەلوردادا توبەسىنەن سۋ اعىپ تۇرعان, جوندەۋدى قاجەت ەتەتىن بىرنەشە تۇرعىن ءۇي كەشەنى بار. جاقىندا سولاردىڭ ءبىرى – «تەرريتوريا كومفورتا-2» تۇرعىن ءۇيىن جوندەۋ اياقتالدى. حالىقتىڭ شاعىمىنا قۇلاق تۇرگەن قالا اكىمدىگى باسشىلارىنا ءۇي تۇرعىندارى العىس ءبىلدىرىپ, جاسالعان جۇمىستارعا وڭ باعا بەردى.
«مىنا ءبىزدىڭ 2 ءۇيدىڭ توبەسى مەن بالكوندارىنىڭ پليتالارى تۋرالى ايتقان ەدىك. جاڭبىر جاۋعاندا, قار ەرىگەندە بارىنەن دە سۋ اعىپ تۇرادى. قازىر بۇكىل توبەنى جاسادى, بالكون توبەلەرىن دە دۇرىستادى, تومەنگە قۇلاپ, ۇشىپ جاتقان تەرموگرانيتتىڭ ءبارىن الىپ تاستادى. جاسالعان جۇمىس, سوزبەن ايتپاي-اق, بىلاي قاراعاننىڭ وزىندە كورىنىپ تۇر» دەدى ءۇي تۇرعىندارىنىڭ ءبىرى.
