توتەنشە جاعداي دەپارتامەنتى بايقوڭىر اۋدانىنداعى سۋ استىندا قالۋى مۇمكىن ۋچاسكەلەردى تەكسەردى.
سۋ باسۋ وقيعالارىنىڭ الدىن الۋ اياسىندا استانا قالاسى تجد بايقوڭىر اۋدانى توتەنشە جاعدايلار باسقارماسىنىڭ ماماندارى اۋدان اكىمى اپپاراتىمەن, كوممۋنالدىق قىزمەتتەرمەن بىرلەسىپ, اۋدان اۋماعىنداعى سۋ استىندا قالۋ قاۋپى بار ۋچاسكەلەردى ارالادى.
تەكسەرىس بارىسىندا ءوندىرىس, كيرپيچنىي, پرومزونا تۇرعىن ءۇي الاپتارى, اقبۇلاق پەن سارىبۇلاق ارنالارى قارالدى. ناتيجەسىندە سۋ باسۋ قاۋپى ءتونىپ تۇرعان 10 ۋچاسكە انىقتالدى. بۇدان بولەك, ماماندار سۋ باعىتتاعىش ارىقتاردىڭ, كاناليزاتسيالىق جۇيەلەر مەن كەشەندەردىڭ, تازارتقىش عيماراتتاردىڭ جۇمىسىن باقىلادى.
وتكىزىلگەن جۇمىستاردىڭ ناتيجەسىندە «اۋدان تۇرعىندارى مەن اۋماعىن كوكتەمگى تاسقىن سۋدان قورعاۋ شارالارى تۋرالى» جول كارتاسى جوباسىنا ەنگىزۋ ماقساتىندا سۋ تاسقىنىنا قارسى ءىس-شارالاردىڭ كەشەنى ازىرلەندى.
