استانادا جەدەل مەديتسينالىق كومەك, پوليتسيا جانە ءورت ءسوندىرۋ قىزمەتتەرىنىڭ نومىرلەرىن ءبىر جۇيەگە بىرىكتىرۋ جوسپارلانىپ وتىر. بۇل تۋرالى iKomek مونيتورينگ جانە جەدەل ارەكەت ەتۋ ورتالىعىنىڭ جەتەكشىسى جاننات دۋبيروۆا مالىمدەدى.
وسى باعىتتاعى جۇمىستار باستالىپ كەتتى. «قازىرگى كەزدە جۇمىستاردىڭ ەكىنشى كەزەڭىن پىسىقتاپ جاتىرمىز. جوبا مينيسترلىكتەردىڭ كەلىسىمىنەن ءوتۋ كەرەك. سەبەبى ءورت ءسوندىرۋدى, پوليتسيانى جانە جەدەل جاردەمدى ينتەگراتسيالاۋ ءۇشىن ىشكى ىستەر جانە دەنساۋلىق ساقتاۋ مينيسترلىكتەرىمەن ءتيىستى شارالار ىسكە اسىرىلۋ قاجەت. سول كەزدە بىزدە 101, 102, 103 نومىرلەرى جويىلىپ, بولاشاقتا تەك 112 جانە 109 بولادى. ياعني اقش-تاعى سەكىلدى اتالعان ەكى نومىرگە عانا تەلەفون شالۋعا بولادى» دەپ ءتۇسىندىردى ورتالىق جەتەكشىسى.
بۇل جۇمىستار امەريكالىق ۇلگى نەگىزىندە جاسالىپ جاتىر. اقش-تا شۇعىل كومەك قاجەت كەزدە 911 نومىرىنە حابارلاسادى. ال ەگەر شۇعىل ەمەس ماسەلەلەر بولسا, وندا 311 نومىرىنە قوڭىراۋ شالادى.
