جاڭالىقتارقالا تىرشىلىگى
سۋ توگىلمەس جورعاداي
«استانا تاڭداۋى-2014» بايقاۋى اياسىندا ەلوردالىق جۇرگىزۋشىلەر ەرەكشە جارىستا باق سىناستى.
بايقاۋ ۇيىمداستىرۋشىلارى جۇرگىزۋشىلەردىڭ شەبەرلىگىن سۋدىڭ كومەگىمەن بايقاپ كوردى. ءاربىر جۇرگىزۋشىنىڭ كابيناسىنا سۋ قۇيىلعان ستاكان قويىلدى. كۇرت توقتاعاندا نەمەسە تەجەۋىشتى باسقاندا سۋ دەڭگەيى ازايادى. ءبىر اينالىمنان كەيىن جۇرگىزۋشىنىڭ ستاكانداعى سۋى نەعۇرلىم كوپ بولسا, ونىڭ شەبەرلىگى سوعۇرلىم جوعارى بولادى. جارىس قورىتىندىسى بويىنشا №1 اۆتوپاركتىڭ ەكى جۇرگىزۋشىسى دە تاپسىرمانى جاقسى ورىنداپ شىقتى. «استانا تاڭداۋى» بايقاۋى ۇيىمداستىرعان اكتسياعا قاتىسقانى ءۇشىن اقىلبەك بەكتاشەۆ پەن قايزيدەن تۇرسىنبەكوۆكە بەينەتىركەۋىشتەر مەن قۇرمەت گراموتالارى تابىستالدى.
وسىلايشا, «استانا تاڭداۋىنا» ەلوردالىق قوعامدىق كولىك جۇرگىزۋشىلەرى بەلسەندى قاتىسىپ, ءوز ارالارىنداعى ۇزدىكتەردى بايقاۋعا ۇسىنۋدا.