استانا قالاسى توتەنشە جاعدايلار دەپارتامەنتى جەرگىلىكتى پوليتسيا قىزمەتىمەن بىرلەسىپ, سۋ قويمالارىندا توتەنشە جاعدايلاردىڭ الدىن الۋعا باعىتتالعان ءتۇسىندىرۋ جۇمىستارىن جۇرگىزۋدە.
ءار دەمالىس سايىن تۇراقتى وتەتىن شارانىڭ ماقساتى – جازعى شومىلۋ ماۋسىمىندا قاۋىپسىزدىك ەرەجەلەرىن تۇرعىندارعا ەسكەرتۋ. جاز بولسا, وقۋشىلاردان باستاپ ءۇلكەندەرگە دەيىن سۋعا شومىلعاندى جانى سۇيەدى. كەيدە وسى دەمالىستىڭ سوڭى قايعىلى جاعدايعا ۇلاسىپ جاتاتىنى جاسىرىن ەمەس. سوندىقتان, ەلوردالىقتار ءۇشىن جىل سايىن شومىلاتىن جەرلەردە قاۋىپسىزدىك پەن قۇقىقتىق ءتارتىپتى قامتاماسىز ەتۋدىڭ ءىس-شارالار جوسپارى ءازىرلەنگەن. ول بويىنشا قۇتقارۋشىلار حالىققا سۋداعى قاۋىپسىزدىك شارالارىن تانىستىرىپ, سۋعا تۇسەتىن ورىنداردا قالاي ءتارتىپ ساقتاۋ كەرەكتىگىن تۇسىندىرۋدە.
دەمالىس كۇنى ۇيىمداستىرىلعان شاراعا 1500-گە جۋىق تۇرعىن قاتىسقان. سونىمەن قاتار, شارا بارىسىندا قازاق گزۋ اۋماعىنداعى كوپىرلەر مەن «گازماشاپپاراتۋرا» اۋدانى تاۋەكەل ايماققا جاتاتىنى انىقتالدى. وسىعان بايلانىستى ول جەرلەرگە تىيىم سالاتىن جانە ەسكەرتەتىن 30-عا جۋىق بەلگى قويىلدى.
