ەسىل اۋدانى اكىمى بەرىك جاكەنوۆ №64 «اسىل بوبەك» ارنايى بالاباقشاسىنا بارىپ, ەرەكشە قاجەتتىلىگى بار بالالارعا اكىمدىك اتىنان سىيلىقتار ۇلەستىردى. ال بالعىندار العىس رەتىندە اۋدان باسشىسىنا قولونەر بۇيىمدارىن سىيلادى.
مۇندا بالالاردىڭ جان-جاقتى دامۋى ءۇشىن بارلىق جاعداي جاسالعان. مۇندا روبوتوتەحنيكا كابينەتىبار, وندا بالالار باعدارلامالاۋ نەگىزدەرىن, روبوتوتەحنيكا ەلەمەنتتەرىن ۇيرەنىپ, مۋلتيمەديالىق ستۋديادا جۇمىس ىستەيدى. وسى جەردە وزدەرى مۋلتفيلم جاساپ شىعادى. كەيىپكەرلەرىن تاڭداپ, دۋبلياجبەن دە وزدەرى اينالىسادى. بالاباقشا كينوتەاترىندا بالعىنداردىڭ ءتولتۋىندىلارى كورسەتىلەدى. ءان, بي ۇيىرمەلەرى مەن سپورتزال, بالالاردىڭ ينتەللەكتۋالدى دامۋىنا ارنالعان وقۋ بولمەلەرى مەن ينتەراكتيۆتى تاقتالار بار. فيزيوكابينەت پەن ماسساج بولمەسى دە جۇمىس ىستەيدى. بالاباقشا زاماناۋي تەحنيكالىق قۇرالدارمەن جابدىقتالعان. ال تاربيەشىلەردىڭ بارلىعى – دەرلىك جوعارى بىلىكتى ماماندار.
اكىم بالاباقشانى ارالاعان سوڭ دەنساۋلىعىندا ءارتۇرلى اۋىتقۋشىلىقتار كەزدەسەتىن بالالارعا بارلىق جاعداي جاسالعانىنا كوز جەتكىزدى.
«ءبىلىم بەرۋ بالاباقشا تابالدىرىعىنان باستالادى. بارلىق ءبىلىمنىڭ باستاۋى – بالاباقشادا. ءبىز مۇگەدەكتىگى بار بالالارعا ۇلكەن كوڭىل بولەمىز. ماسەلەن, بيىل بوتانيكالىق باقتا ەڭ ۇلكەن ينكليۋزيۆتى الاڭنىڭ قۇرىلىسىن باستادىق. وسى بالاباقشانىڭ وقۋشىلارىمەن جۇمىس ىستەۋدىڭ سوڭعى ناتيجەسى – دامۋ ەرەكشەلىكتەرى بار بالالاردى مۇمكىندىگىنشە الەۋمەتتەندىرۋ ماقساتىمىز. بۇل بالالاردىڭ ەرەكشە ەكەنىن ەستە ساقتاعان ءجون. ولار – ناعىز دانىشپان. ماماندار ءار بالانىڭ قاجەتتىلىكتەرىنە سۇيەنە وتىرىپ, جەكە تۇزەتۋ باعدارلاماسىن دايىنداپ ونى جۇزەگە اسىراتىن بولادى» دەدى بەرىك جاكەنوۆ.
مونتەسسوري كابينەتىندە الەۋمەتتىك-پسيحولوگيالىق قىزمەتتەر كورسەتىلەدى, تۇرمىستىق داعدىلار ۇيرەتىلەدى.
بالاباقشا 2012 جىلى «بالاپان» باعدارلاماسىن جۇزەگە اسىرۋ اياسىندا اشىلدى. ونىڭ نەگىزگى مىندەتى – ەرەكشە ءبىلىم بەرىلۋىنە قاجەتتىلىگى بار بالالاردى الەۋمەتكە الەۋمەتتىك بەيىمدەۋ جانە بىلىمدەندىرۋ ينتەگراتسياسى. مۇندا ولار مەكتەپتە ءارى قاراي وقۋعا دايىندالادى. بالاباقشاعا indigo24.kz. اۆتوماتتاندىرىلعان سەرۆيس ارقىلى ەلەكتروندى باعىت بويىنشا 3 جاستان 7 جاسقا دەيىنگى بالالار قابىلدانادى.
بالاباقشا مەڭگەرۋشىسى جانار مۇقاشەۆانىڭ سوزىنشە, مۇندا 13 توپ جۇمىس ىستەيدى. ون توپقا قوزعالۋى قيىن بالالار, ەكى توپقا سويلەۋى بۇزىلعان, ءبىر توپقا پسيحيكالىق دامۋى تەجەلگەن بالدىرعاندار بارادى. 156 ورىنعا ارنالعان بۇل بالاباقشا 2012 جىلى اشىلعان.
«مۇندا پسيحولوگتار, لوگوپەدتەر, دەفەكتولوگتار جۇمىس ىستەيدى. ەمدەۋساۋىقتىرۋ جۇمىستارىن دارىگەر-نەۆروپاتولوگتار, پسيحوتەراپەۆتەر, ەدش نۇسقاۋشىلارى, مەدبيكەلەر ورىندايدى. ءبىزدىڭ تاربيەلەنۋشىلەرىمىز رەسپۋبليكالىق, سونداي-اق حالىقارالىق ءتۇرلى شىعارماشىلىق كونكۋرستاردا جەڭىسكە جەتتى. بىزدە قانشا كۋبوك, گراموتا, ماراپات بار. بالالارىمىزبەن ماقتانامىز!» دەدى جانار مۇقاشەۆا.
