قازاقستاندا ەلدى مەكەندەردىڭ تاريحي اتاۋى قازاق تىلىندە عانا جازىلاتىن بولادى.
سونداي-اق مەملەكەتتىك ەمەس ۇيىمداردىڭ بلانكىلەرى مەن ماڭدايشالارى مەملەكەتتىك تىلدە, قاجەت بولعان كەزدە عانا ورىس تىلىندە جازىلۋى مىندەتتەلەدى. كەشە ءماجىلىس كورنەكى اقپارات ماسەلەلەرى تۋرالى زاڭ جوباسىن ەكىنشى وقىلىمدا ماقۇلدادى. دەپۋتات بەرىك ابدىعاليۇلى زاڭ جوباسىنىڭ ماقساتى سىرتقى جارنامالار مەن ءارتۇرلى ماڭدايشالاردا, باسقا دا رەكۆيزيتتەر مەن كورنەكى اقپاراتتاردىڭ مەملەكەتتىك تىلدە دۇرىس جازىلۋى جانە ماتىندەردىڭ تۇپنۇسقالى اۋدارماسى بويىنشا قوسىمشا تالاپتار بەلگىلەۋ ەكەندىگىن ءتۇسىندىرىپ بەردى.
