نۇر-سۇلتان جانە الماتىدا قارجىلىق مونيتورينگ اگەنتتىگى ۇلتتىق قاۋىپسىزدىك كوميتەتىمەن بىرلەسىپ, ارنايى وپەراتسيا جۇرگىزدى.
اگەنتتىك مالىمەتىنشە, ەسىرتكى زاتتارى حالىقارالىق ارنالار ارقىلى جاقىن شەتەلدەردەن حالىق تۇتىناتىن ءارتۇرلى تاۋارلار تۇرىندە جەتكىزىلدى.
شاعىن مولشەردە ولشەپ ورالعان ەسىرتكى زاتتارى نۇر-سۇلتان جانە الماتى قالالارىنىڭ ساياباقتارى, مەكتەپتەرى, اۋرۋحانا, مەكتەپكە دەيىنگى مەكەمەلەر اۋماعىندا تاراتىلعان. ساتۋ انونيم Telegram-ارنالار ارقىلى جۇرگىزىلدى, تولەم Qiwi-كوشەلەك ەلەكتروندى تولەمدەر ارقىلى قابىلداندى. نەگىزگى ساتىپ الۋشىلار – قازاقستاننىڭ كامەلەتكە تولماعان ازاماتتارى.
«ەسىرتكى ساتۋشىلار ءۇي جانۋارلارىنا ارنالعان ازىق تۇرىندە ورالعان كەزەكتى حالىقارالىق تاۋاردى الۋ كەزىندە ۇستالدى. ۇستالعانداردىڭ تۇراتىن جەرلەرىن ءتىنتۋ كەزىندە سينتەتيكالىق ەسىرتكى زاتى – مەفەدرون, ماريحۋانا, بۋىپ-ءتۇيۋ ماتەريالدارى, تارازى تابىلدى. تاركىلەنگەن ەسىرتكىنىڭ جالپى سالماعى 7 كيلوگرامنان استام ماريحۋانا مەن مەفەدروندى قۇرادى».
قر قك-نىڭ 286-بابى 2-بولىگى جانە 297-بابى 3-بولىگى بويىنشا قىلمىستىق ءىس قوزعالدى. ەسىرتكى ساقتاعانى جانە ساتقانى ءۇشىن بەس قىلمىسكەر ۇستالدى. ۇستالعاندار تەرگەۋ يزولياتورىنا 2 اي مەرزىمگە قاماۋعا الىندى, تەرگەۋ امالدارى جۇرگىزىلىپ جاتىر.
