مەملەكەت باسشىسى نۇرسۇلتان نازارباەۆ «تاۋەلسiزدiكتiڭ 25 جىلدىعى» مونۋمەنتىن اشتى. ەكسپو-2017 كورمەسi اۋماعىندا ورناتىلعان مونۋمەنتتىڭ 25 قىرى تاۋەلسىزدىكتىڭ 25 جىلىن, ەل تاريحىنداعى 25 ماڭىزدى وقيعانى بىلدىرەدى. سونداي-اق پرەزيدەنت «استانا ەكسپو-2017» حالىقارالىق كورمەسىندەگى نىسانداردى ارالاپ, كەڭەس وتكىزدى.
– بۇگiن, 16 جەلتوقسان – تاۋەلسiزدiك كۇنi. وسىدان 25 جىل بۇرىن بiز قازاقستاندى تاۋەلسiز ەل دەپ جاريالادىق. بۇگiنگi كەزدەسۋىمىزدىڭ سەبەبى – استانامىزدا تاعى بiر مونۋمەنت اشايىن دەپ وتىرمىز. استانانى اقمولاعا كوشiرگەن كەزدە ەڭ الدىمەن قالانىڭ ورتاسى دەپ ەسكi قالاداعى الاڭدى يگەردiك. ودان كەيiن سول جاعالاۋدا, تاقىر جەردە جاڭا قالا سالعانىمىزدا «ءبايتەرەك» ورناتتىق. ول ءالi كۇنگە دەيiن قالانىڭ سيمۆولى بولىپ كەلە جاتىر. حالىقتىڭ بارلىعى سول جەرگە بارعاندى, جۇرگەندi جاقسى كورەدi. ودان كەيiن قازاق ەلi دەگەن مونۋمەنت ورناتتىق, – دەدi نۇرسۇلتان نازارباەۆ.
ەلىمىزدە تاۋەلسىزدىك مەرەيلى مەرەيتويلارىنا بايلانىستى قاندايدا ءبىر ەستەلىك قالدىرۋ ءداستۇرى قالىپتاسقان. مىسالى ازاتتىعىمىزعا 5 جىل تولعاندا الماتىداعى ورتالىق الاڭدا تاۋەلسiزدiك مونۋمەنتi اشىلعان بولاتىن. تاۋەلسiزدiكتiڭ 20 جىلدىعىنا وراي قازاقستاننىڭ ماڭگiلiك ەل تريۋمفالدىق اركاسى بوي كوتەردى.
– بيىل ەكسپو-نى اشقان كەزدە دۇنيە جۇزىنەن ميلليونداعان تۋريستەر كەلەتىن بولادى. سوندا مىنا مونۋمەنتكە قاراپ, قازاقستاننىڭ تاريحىن تانيدى. قالامىزدىڭ تۇرعىندارىنىڭ سانى 3 ملن بولعان كەزدە كورىكتى ورىندارى كوپ بولۋى ءتيىس. سوندىقتان, استاناعا مۇنداي مونۋمەنت كوپتىك ەتپەيدى, – دەدى نۇرسۇلتان نازارباەۆ.
مەملەكەت باسشىسى ءوز ءسوزىندە ەكسپو قالاشىعىنىڭ شاھاردىڭ كەسكىن-كەلبەتىن ايتارلىقتاي وزگەرتەتىنىن ايتتى. ويتكەنى اتالعان قالاشىقتا جاڭا اۋدان بوي كوتەرىپ, ءجۇزدەگەن مىڭ ادام تۇراتىن بولادى. استانا الداعى ۋاقىتتا ودان سايىن وركەندەپ, جانعا جايلى مەكەنگە اينالادى. ەلباسى 1300 پاتەرگە ارنالعان ەكسپو
قالاشىعىن, «MEGA Silk Way» ويىن-ساۋىق ورتالىعى عيماراتىن, ەكسپو كەڭسەسىن جانە «ەنەرگيا زەرتتەۋ ورتالىعىن» ارالاپ كوردى.
بۇدان بولەك ول الجير, قاتار, قىتاي, مالايزيا, ءۇندىستان ەلدەرىنىڭ ەكسپوزيتسياسى ورنالاساتىن حالىقارالىق پاۆيلوندارمەن تانىسىپ, ءوز باعاسىن بەردى. «استانا ەكسپو-2017» ۇلتتىق كومپانياسىنىڭ باسقارما توراعاسى احمەتجان ەسىموۆتىڭ ايتۋىنشا, قازىرگى ۋاقىتتا 112 ەل كورمەگە قاتىساتىنىن راستاعان. سونىڭ ىشىندە 104 ەل وزدەرىنىڭ كوميسسارلارىن تاعايىندادى. سونداي-اق احمەتجان سماعۇلۇلى 94 كەلىسىمگە قول قويىلىپ, 75 مەملەكەت ۇلتتىق كۇنىن وتكىزۋ ءۇشىن ناقتى داتانى الدىن الا بەلگىلەگەنىن جەتكىزدى.
كەڭەس بارىسىندا مەملەكەت باسشىسى نۇرسۇلتان نازارباەۆ ەكى جىلدا اسا اۋقىمدى جۇمىس اتقارىلعانىن ايتتى. ايتسە دە, الداعى ۋاقىتتا اتالعان نىسانداردى جابدىقتاپ, ءتيىستى كادرلاردى دايارلاۋىمىز قاجەت. پرەزيدەنت كەڭەس قورىتىندىسى بويىنشا پرەمەر-مينيسترگە «استانا ەكسپو-2017» ۇلتتىق كومپانياسى» اكتسيونەرلىك قوعامىمەن جانە استانا قالاسى اكىمدىگىمەن بىرلەسىپ, حالىقارالىق مامانداندىرىلعان كورمە اياقتالعاننان كەيىن ونىڭ نىساندارىن ءارى قاراي پايدالانۋ ماسەلەسىن پىسىقتاۋدى تاپسىردى. ويتكەنى قالاشىق كورمە اياقتالعاننان كەيىن حالىقتىڭ يگىلىگىنە پايدالانۋعا بەرىلەدى.
مەملەكەت باسشىسىنىڭ ايتۋىنشا, ەكسپو-2017 حالىقارالىق كورمەسىنە الەمنىڭ تۇكپىر-تۇكپىرىنەن مىڭداعان قوناق كەلەدى. سوندىقتان دا استانا ءنوپىر حالىقتى جوعارى دەڭگەيدە كۇتىپ الىپ, شىعارىپ سالۋعا ساقاداي ساي بولۋى كەرەك.
سەرىك قۇدايبەرگەنۇلى
