ەلوردالىق جۇمىسپەن قامتۋ ورتالىعىندا تەگىن كاسىبي وقىتۋ جانە قايتا وقىتۋ كۋرستارىنان وتكىسى كەلەتىن ازاماتتاردان ءوتىنىش قابىلداۋ جالعاسۋدا. وندا قانداي ماماندىقتاردى وقىتادى, وقۋ قايدا وتەدى, تولەنەتىن شاكىرتاقىنىڭ كولەمى قانشا, كۋرسقا قالاي جازىلۋعا بولادى؟ وسى جانە باسقا دا سۇراقتارعا اتالعان مەكەمەدەگى كاسىبي وقىتۋ ءبولىمىنىڭ جەتەكشىسى ازامات بايتاسوۆ جاۋاپ بەرگەن ەدى.
كۋرس قانداي ماماندىقتارعا وقىتادى؟
قىسقامەرزىمدى كاسىبي وقىتۋعا وتىنىشتەر بۇگىنگى ەڭبەك نارىعىنداعى جوعارى سۇرانىسقا يە ماماندىقتار بويىنشا قابىلدانادى. ولارعا ەلەكترمەن جانە گازبەن دانەكەرلەۋشى, توك جوندەۋشى, جۇك كوتەرگىش ءماشينيسى, سانتەحنيك-كومەكشى, اسپاز, كونديتەر, تىگىنشى, اكىمشى, ۋقالاۋشى, ساۋدا سالاسىنداعى مەنەدجەر, باعالاۋشى, انيماتسيا جانە بەينەگرافيكا مامانى, سونداي-اق كيبەرقاۋىپسىزدىك سالاسىنداعى مامان جاتادى.
كۋرستىڭ ۇزاقتىعى قانشا؟
قىسقامەرزىمدى وقىتۋ كۋرستارى ماماندىقتىڭ ەرەكشەلىگىنە بايلانىستى ءبىر ايدان ءۇش ايعا دەيىن سوزىلادى.
كۋرسقا كىمدەر قاتىسا الادى؟
قىسقامەرزىمدى وقىتۋ كۋرستارىنا حالىقتى جۇمىسپەن قامتۋ ورتالىعىندا جۇمىسسىز بولىپ تىركەلگەن ازاماتتار قاتىسا الادى.
كۋرس كەزىندە تولەنەتىن شاكىرتاقىنىڭ كولەمى قانشا؟
16759 تەڭگە
كۋرسقا بارعىسى كەلەتىندەر قانداي قۇجاتتار اكەلۋى ءتيىس؟
ۇمىتكەرلەر كۋرسقا قاتىسقىسى كەلەتىنى تۋرالى ءوتىنىش پەن ءوزىنىڭ جەكە كۋالىگى, ەڭبەك كىتاپشاسى (ەگەر بار بولسا), ءبىلىمى تۋرالى قۇجاتتى وتكىزۋى كەرەك.
وقىتۋ كەستەسىن كىم قۇراستىرادى؟
وقىتۋ كەستەسىن سول كۋرستى وتكىزەتىن ۇيىم قۇراستىرادى.
كۋرستار قانداي ءبىلىم بەرۋ مەكەمەلەرىنىڭ بازاسىندا ۇيىمداستىرىلادى؟
اقمولا وقىتۋ-كۋرستىق كومبيناتى, «مامان» وقىتۋ-ونەركاسىپتىك ورتالىعى, Centre AT جەكەمەنشىك مەكەمەسى, نۇر-سۇلتان قالاسىنىڭ قوعامدىق تاماقتانۋ جانە قىزمەت كورسەتۋ كوللەدجى.
كۋرسقا ءوتىنىشتى قاشان بەرۋگە بولادى؟
وتىنىشتەر قابىلداۋ جىل بويى جۇرگىزىلەدى. كۋرس ءۇشىن توپ قۇرۋعا قاجەتتى ادامدار جينالعاندا, ۇمىتكەرگە حابارلاسادى. ءبىر توپتىڭ كۋرسى اياقتالعان سوڭ, كەلەسى توپ جينالادى.
بۇدان بولەك, جۇمىسپەن قامتۋ ورتالىعى تۇلەكتەرگە ءوز ماماندىعى بويىنشا جۇمىس تابۋعا كومەكتەسەدى. مۇنىمەن قوسا, ازاماتتار كولەمى 300 مىڭ تەڭگە بولاتىن مەملەكەتتىك گرانت الۋعا دا ۇمىتكەر بولا الادى. ول ءۇشىن بيزنەس-جوسپار قۇرىپ, ونى كوميسسيا وتىرىسىندا قورعاپ شىعۋ كەرەك.
كاسىپتىك وقىتۋ جانە قايتا وقىتۋ بويىنشا باسقا دا سۇراقتارىڭىز تۋىنداسا, جۇمىسپەن قامتۋ ورتالىعىنىڭ 57-88-88 تەلەفونىنا حابارلاسۋعا بولادى. مەكەمەنىڭ مەكەنجايى: نۇر-سۇلتان قالاسى, بەيبىتشىلىك كوشەسى, 25-ءۇي, «وركەن» بيزنەس ورتالىعى. ەلەكتروندى پوشتا: cz@astana.kz.
بوس جۇمىس ورىندارى
ءۇي-جايلاردى تازالاۋشى
جالاقىسى – 70 000 تەڭگەدەن باستاپ. تالاپتارى: ورتا ءبىلىم, تولىق جۇمىس كۇنى.
«Industrial Innovation Group» جشس
زاڭگەر
جالاقىسى – 150 000 تەڭگەدەن باستاپ. تالاپتارى: جوعارى ءبىلىم, كەمىندە 5 جىلدىق جۇمىس ءوتىلى, تولىق جۇمىس كۇنى.
«Industrial Innovation Group» جشس
باس ەسەپشى
جالاقىسى – 200 000 تەڭگەدەن باستاپ. تالاپتارى: جوعارى ءبىلىم, كەمىندە 3 جىلدىق جۇمىس ءوتىلى, تولىق جۇمىس كۇنى.
«Bikom Comfort» جشس
جاپون اسحاناسىنىڭ اسپازى
جالاقىسى – 100 000 تەڭگەدەن باستاپ. تالاپتارى: كاسىپتىك ءبىلىم, كەمىندە 2 جىلدىق جۇمىس ءوتىلى, تولىق جۇمىس كۇنى.
«Sky Lounge» جشس
جۇك كوتەرگىش ءماشينيسى
جالاقىسى – 160 000 تەڭگەدەن باستاپ. تالاپتارى: تەحنيكالىق كاسىپتىك ءبىلىم, كەمىندە 3 جىلدىق جۇمىس ءوتىلى, تولىق جۇمىس كۇنى.
«Heavy Equipment» جشس
پوشتاشى
جالاقىسى – 81 020 تەڭگەدەن باستاپ. تالاپتارى: ورتا ءبىلىم, تولىق جۇمىس كۇنى.
«قازپوشتا» اق ەلوردالىق فيليالى
نەسيەلىك مەنەدجەر
جالاقىسى – 100 000 تەڭگەدەن باستاپ. تالاپتارى: جوعارى ءبىلىم, كەمىندە 4 جىلدىق جۇمىس ءوتىلى.
«Terra Motors Astana» جشس
گەودەزيست
جالاقىسى – 200 000 تەڭگەدەن باستاپ. تالاپتارى: جوعارى تەحنيكالىق ءبىلىم, كەمىندە 3 جىلدىق جۇمىس ءوتىلى.
«ەدەم» جشس
تىگىن تسەحىنىڭ شەبەرى
جالاقىسى – 100 000 تەڭگەدەن باستاپ. تالاپتارى: كاسىبي ورتا ءبىلىم, كەمىندە 1 جىلدىق جۇمىس ءوتىلى, تولىق جۇمىس كۇنى.
«مس مس» جشس
ادىستەمەشى
جالاقىسى – 180 000 تەڭگەدەن باستاپ. تالاپتارى: جوعارى ءبىلىم, كەمىندە 5 جىلدىق جۇمىس ءوتىلى, تولىق جۇمىس كۇنى.
قازاق ۇلتتىق حورەوگرافيا اكادەمياسى
