استانانىڭ ينفراقۇرىلىمىن دامىتۋدا ەكولوگيالىق تازا كولىكتەرگە ارنالعان تۇراقتار مەن ۆەلوجول ماسەلەسى ءجيى كوتەرىلەدى. جاقىندا ساۋلەت جانە قالا قۇرىلىسى باسقارماسى وعان دا قولايلى جاعداي تۋعىزۋدى قولعا الاتىنىن مالىمدەدى.
تاراتا ايتساق, تاياۋ بولاشاقتا سارىارقا كوپىرىنەن تەلمان ەلدى مەكەنىنە دەيىن ۆەلوسيپەدشىلەرگە ارنالعان سپورتتىق-ساۋىقتىرۋ باعىتىنداعى كەشەندى ينفراقۇرىلىم تۇزىلەدى. ساۋلەت جانە قالا قۇرىلىسى باسقارماسىنىڭ باسشىسى ۆيتالي سيلەتسكي: «جولدىڭ ۇزىندىعى 22 شاقىرىمداي بولادى. ول جەردە كولىك تۇراعى, ۆەلوسيپەدتى جالعا الۋ پۋنكتتەرى, ۇساق-تۇيەك كەرەك-جاراق ساتاتىن, قىزمەت كورسەتەتىن ورىنداردىڭ بولۋىن قاراستىرامىز. وعان قوسا, قالامىزدا وسىعان سۇرانىپ تۇرعان سەگىز ماڭىزدى بولىك بار. ماسەلەن, بىرەۋىن ءبىز يلينكا ەلدى مەكەنىندە جاسايمىز. قالانىڭ ەسكى بولىگىندە ەسىلدىڭ جاعالاۋىن پايدالانامىز. ياعني, ءبىر سوزبەن ايتقاندا سپورتتىق-دەنە شىنىقتىرۋ باعىتىنداعى ۆەلوجولدار سالۋعا مۇمكىنشىلىگىمىز جەتەدى. ال, ونى كولىك جۇيەسىنە كىرىكتىرۋ ءوز الدىنا بولەك ماسەلە. ول ءۇشىن جاڭا نورماتيۆتەر ەنگىزۋگە تۋرا كەلەدى» دەيدى.
