تەلەكوپىر: 25 نىسان قاتارعا قوسىلدى
كەشە استانا قالاسىنداعى «ەكسپو كونگرەسس-ورتالىعىندا» تەلەكوپىر وتكىزىلىپ, ول يندۋستريالاندىرۋ كارتاسى جوبالارىن تانىستىرۋ مەن
«التىن ساپا», «پارىز» سىيلىقتارىنىڭ جەڭىمپازدارىن ماراپاتتاۋ راسىمىنە ارنالدى. شاراعا قازاقستان رەسپۋبليكاسىنىڭ پرەزيدەنتى
نۇرسۇلتان نازارباەۆ قاتىستى.
تەلەكوپىر اياسىندا ەلىمىزدىڭ بارلىق ءوڭىرىنەن 11 تىكەلەي كورسەتىلىم بەرىلىپ, مەملەكەت باسشىسىنىڭ نازارىنا يندۋستريالاندىرۋ كارتاسىنىڭ ەڭ ماڭىزدى نىساندارى ۇسىنىلدى.
– يندۋستريالاندىرۋدىڭ ەڭ ماڭىزدى جوبالارىن ىسكە قوسۋ جىل سايىنعى يگى داستۇرگە اينالدى. ءبىز بۇگىن مەتاللۋرگيا, ونەركاسىپ, قۇرىلىس ماتەريالدارى, ماشينا جاساۋ, كولىك جانە لوگيستيكا
سالالارى بويىنشا 25 جوبانىڭ ىسكە اسىرىلۋىن باستادىق, – دەدى پرەزيدەنت.
ەلباسى ءوزىنىڭ سوزىندە سونداي-اق, يندۋستريالاندىرۋ باعىتىن اۋقىمدى ەتكەنىمىز دۇرىس بولعانىن, ونىڭ ۋاقىت تالابىنا ساي ەكەنىن اتاپ ءوتتى.
– بۇكىل ەلىمىز بويىنشا ءبىر مىڭنان استام جاڭا ءوندىرىس ىسكە قوسىلىپ, 100 مىڭنان استام تۇراقتى جۇمىس ورىندارى اشىلدى. ءبىز بۇگىن «Giessenhaus» جاۋاپكەرشىلىگى شەكتەۋلى سەرىكتەستىگىنىڭ قالايى قوسپاسىن شىعاراتىن, كەلەشەكتە اۆتوموبيل ديسكىلەرىن جاسايتىن جوباسىن ىسكە قوستىق. بۇل جۇمىستارعا POSKO, «ەۆرازحولدينگ», Tenaris, «پوليمەتالل» سياقتى ءوز سالاسىنىڭ كوشباسشىسى سانالاتىن بەلگىلى ترانسۇلتتىق كومپانيالار تارتىلىپ جاتىر, – دەدى مەملەكەت باسشىسى.
پرەزيدەنت وندىرىستىك كووپەراتسيا جانە اۆتوموبيل قۇراستىرۋ سالاسىنداعى ىنتىماقتاستىق ماسەلەلەرىن ايتا كەلىپ, ەلىمىزدىڭ اۆتوزاۋىتتارىندا ەلەكتروموبيلدەر قۇراستىرۋدىڭ باستالعانىنا توقتالدى.
– قازىرگى تاڭدا قازاقستاندا 18 بەلگىلى برەندكە تيەسىلى اۆتوكولىك قۇرالدارىنىڭ ءتۇرلى مودەلدەرى جيناقتالۋدا. ءبىز ولاردى قىتايعا, رەسەيگە, تاجىكستانعا, وزبەكستانعا جانە باسقا دا ەلدەرگە ەكسپورتتاپ جاتىرمىز, – دەدى ەلباسى.
نۇرسۇلتان نازارباەۆ شيكىزاتتىق ەمەس سەكتورداعى ءوندىرىس كولەمىن ارتتىرۋعا جانە ونىڭ ەل ەكونوميكاسىنداعى ماڭىزدىلىعىنا ەرەكشە توقتالدى.
– حيميا ونەركاسىبى سالاسىندا «ەۆروحيم» ترانسۇلتتىق كومپانياسى كۇردەلى تىڭايتقىشتار شىعارۋ جونىندەگى زاۋىتتىڭ قۇرىلىسىن باستادى. 14 فارماتسەۆتيكالىق كاسىپورىندا حالىقارالىق دجيەمپي ستاندارتتارى ەنگىزىلدى. بۇگىن «حيمفارم» اكتسيونەرلىك قوعامى «پولفارما» ءىرى فارماتسەۆتيكالىق كومپانياسىمەن بىرلەسە جۇزەگە اسىراتىن تاعى ءبىر جوبانىڭ ىسكە اسىرىلۋى باستالدى. قۇرىلىس سالاسىندا نەگىزگى قۇرىلىس ماتەريالدارى بويىنشا يمپورتقا تاۋەلدىلىكتى جويدىق. Heidelberg, KNAUF, Basf, Sika جانە باسقا دا شەتەلدىك كومپانيالاردىڭ قاتىسۋىمەن 180-نەن استام جوبا ىسكە اسىرىلدى, – دەدى مەملەكەت باسشىسى.
ەلباسى بۇدان ءارى ەكونوميكانى ءارتاراپتاندىرۋ ءۇشىن ينفراقۇرىلىمدى دامىتۋدىڭ ماڭىزى زور ەكەنىن ايتا كەلىپ, «نۇرلى جول» باعدارلاماسى اياسىندا ەۋرازيا مۋلتيمودەل كولىك ءدالىزىنىڭ ىسكە قوسىلعانىن جانە «باتىس
ەۋروپا – باتىس قىتاي» حالىقارالىق كولىك ءدالىزى قۇرىلىسىنىڭ اياقتالعانىن تىلگە تيەك ەتتى.
– وسى جىلدار ىشىندە 2 مىڭ
شاقىرىم تەمىر جول, 5 مىڭ شاقىرىم اۆتوموبيل جولى سالىندى. تەڭىز جانە اۋە ايلاقتارىنا قايتا جوندەۋ جۇمىستارى جۇرگىزىلدى. قۇرىق پورتىندا تەمىرجولعا جانە اۆتوموبيلگە ارنالعان پاروم كەشەنى ىسكە قوسىلدى. «قورعاس – شىعىس قاقپاسى» ارنايى ەكونوميكالىق ايماعى جانە ليانيۋنگان تەڭىز پورتى جوبالارىن جۇزەگە اسىرۋ ناتيجەسىندە ازيا-ەۋروپا
باعىتىندا قازاقستان ارقىلى جونەلتىلەتىن كونتەينەرلىك جۇك تاسىمالىنىڭ كولەمى جىل سايىن ەسەلەنىپ كەلەدى. بۇل 2020 جىلعا قاراي ەلىمىزدىڭ تاسىمالداۋدان تۇسەتىن تابىسىن 5 ميلليارد دوللارعا دەيىن ارتتىرۋعا مۇمكىندىك بەرەدى, – دەدى مەملەكەت باسشىسى.
نۇرسۇلتان نازارباەۆ حالىقارالىق «ەكسپو-2017»
مامانداندىرىلعان كورمەسىنىڭ تابىستى وتكەنىن اتاپ ءوتىپ, ۇكىمەتكە كورمەدە كورسەتىلگەن بالامالى جانە جاڭارتىلاتىن ەنەرگيا كوزدەرى سالاسىنداعى عىلىمي جەتىستىكتەردى تاجىريبەگە ەنگىزىپ, قولدانۋ ءۇشىن جۇيەلى جۇمىس جۇرگىزۋدى تاپسىردى.
– ەكسپو اۋماعىندا «استانا» حالىقارالىق قارجى ورتالىعى, «جاسىل» تەحنولوگيالار مەن ينۆەستيتسيالاردى دامىتۋ جونىندەگى حالىقارالىق
ورتالىق, ءىت-ستارتاپتار حالىقارالىق تەحنوپاركى قۇرىلاتىن بولادى. ولاردىڭ ۋاقتىلى ىسكە قوسىلىپ, تولىق جۇمىس ىستەۋىن قامتاماسىز ەتۋ كەرەك, – دەدى ن. نازارباەۆ.
مەملەكەت باسشىسى «تسيفرلىق قازاقستان» مەملەكەتتىك باعدارلاماسى اياسىندا 4.0. يندۋسترياسىنىڭ تەحنولوگيالارىن ەنگىزىپ, بۇل سالادا يندۋستريالىق تۇرعىدان
دامىعان ەلدەرمەن جانە
ەاەو-عا مۇشە مەملەكەتتەرمەن ىنتىماقتاستىقتى نىعايتۋ قاجەت ەكەنىن ءمالىمدەدى. بۇعان قوسا, ەلباسى تسيفرلىق تەحنولوگيالار سالاسىنداعى زاماناۋي ماشىقتاردى مەڭگەرگەن مامانداردى دايىنداۋدىڭ ماڭىزدى ەكەنىن اتاپ كورسەتتى.
نۇرسۇلتان نازارباەۆ ەلىمىزدە كوپتەگەن ترانسۇلتتىق كومپانيالار مەن سترا-
تەگيالىق ينۆەستورلار تابىستى جۇمىس ىستەپ جاتقانىن ايتتى. وسىعان وراي, مەملەكەت باسشىسى ۇكىمەتكە شەت ەلدەرگە شىعارىلعان كاپيتالدى ەلگە قايتارۋ ءۇشىن مۇمكىندىك تۋعىزۋ, قازاقستاندىق تاۋارلاردى
ەكسپورتتىق نارىقتاردا ءىلگەرىلەتۋ جونىندە شارالار قابىلداۋدى, سونداي-اق كاسىپكەرلىكتى دامىتۋعا جانە بيزنەس ورتانى جاقسارتۋعا ەرەكشە ءمان بەرۋدى تاپسىردى.