پاراليمپيادا ورتالىعىندا تەرروريزم جانە ەكسترەميزم تۋرالى دارىستەر وتكىزىلدى.
نۇر-سۇلتان قالاسى پوليتسيا دەپارتامەنتىنىڭ ەكسترەميزمگە قارسى ءىس-قيمىل باسقارماسىنىڭ قىزمەتكەرلەرى ەلوردا اكىمدىگى جانىنداعى ءدىندى زەرتتەۋ ورتالىعىنىڭ تەولوگتارىمەن بىرلەسىپ, تەرروريزمگە قارسى قورعالۋ سالاسىنداعى زاڭناما تاقىرىبىندا ءدارىس وتكىزدى. شارا بارىسىندا قازاقستان رەسپۋبليكاسىنىڭ تتو وبەكتىلەرىنىڭ تەرروريزمگە قارسى قورعالۋى سالاسىنداعى زاڭناماسى, تەرروريزم اكتىسى قاتەرى كەزىندەگى ءىس-ارەكەتتەر جانە ادامداردىڭ ءومىرى مەن دەنساۋلىعىن ساقتاۋعا باعىتتالعان پروفيلاكتيكالىق ءىس-شارالار مەن توتەنشە جاعدايلارداعى ءىس-قيمىلداردى ۇيىمداستىرۋعا كومەك كورسەتۋ ەگجەي-تەگجەيلى ءتۇسىندىرىلدى. سونىمەن قاتار جاستارعا دەسترۋكتيۆتى يدەيالار, ءدىني ساۋاتتىلىق دەڭگەيىن ارتتىرۋ تۋرالى ەسكەرتىلدى. قوعامدا, ەڭ الدىمەن جاستار ورتاسىندا ءدىني ەكسترەميزمنىڭ الدىن الۋدى كۇشەيتۋگە, سونداي-اق حالىقتىڭ بويىندا زايىرلى مەملەكەتتىڭ داستۇرلەرىنە, مادەنيەتى مەن قۇندىلىقتارىنا سايكەس كەلەتىن ءدىني سانانى قالىپتاستىرۋعا ەرەكشە نازار اۋدارىلدى.
