الماتى قالاسىنداعى ينتەنسيۆتى دامىپ جاتقان ناۋرىزباي اۋدانىنىڭ №36 ەمحانا قىزمەتكەرلەرىمەن كەزدەسۋدىڭ ءساتى ءتۇستى. وزدەرىڭىز بىلەتىندەي, پاندەميا كەزىندە جانقيارلىقپەن ءاربىرىمىزدىڭ ءومىرىمىز ءۇشىن كۇرەسە بىلگەن اق حالاتتى ابزال جانداردىڭ ەڭبەگى ەستەن كەتپەسى انىق.
ال, بۇگىنگى تۇبەگەيلى ساياسي رەفورمالاردىڭ قاتارىندا كريزيستىك جاعدايدا تەز شەشىم قابىلداۋ تەتىكتەرى, ياعني قاۋىپ تونگەن ۋاقىتتا زاڭدى پارلامەنتتىڭ كەڭەيتىلگەن وتىرىسىندا قابىلداۋ مۇمكىندىگى ىسكە اساتىن بولادى. بۇل نورما توتەنشە جاعداي ۋاقىتىندا ءبىرىزدى ءىس-قيمىل جۇمىس جاساپ, قاۋىپ-قاتەرگە توتەپ بەرۋگە باعىتتالعان. وعان قوسا, ءبىز حالىقپەن كەڭەسىپ, پىكىرلەسۋ جاعىن ءسال ەستەن شىعارىپ العاندايمىز. ونىڭ دالەلى, ەلىمىزدە شيرەك عاسىردان استام ۋاقىت بويى بىردە-ءبىر رەفەرەندۋم بولعان جوق. سوندىقتان, ءدال قازىر حالىقتىڭ قولداۋى قاسىم-جومارت كەمەلۇلىنا ءوزى باستاعان ساياسي, ەكونوميكالىق جانە الەۋمەتتىك رەفورمالاردى ىسكە اسىرۋ جولىندا باتىل قادامدار جاساۋعا جول اشادى. بىلە بىلسەڭىزدەر, كونستيتۋتسيانى جاڭارتپاي ادىلەتتى, ءارى اشىق جاڭا قازاقستان قۇرۋ مۇمكىن ەمەس. سوندىقتان ەل بولىپ, الداعى رەفەرەندۋمدا حالىق ءوزىنىڭ سالماقتى ءسوزىن, ساليقالى پىكىرىن بىلدىرەدى دەپ سەنەمىن.
ەلنۇر بەيسەنباەۆ
