جاڭالىقتار
تۇكىرەم دەپ ايىپپۇل تولەدى
استانانىڭ «بارىس-ارەنا» الاڭىندا جەرگە تۇكىرگەنى ءۇشىن, ياعني قوعامدىق ورىندى لاستاعان 22 جاستاعى ازامات جاۋاپقا تارتىلدى.
قۇقىق قورعاۋ قىزمەتكەرى الگى ازاماتقا ەلىمىزدىڭ اكىمشىلىك قۇقىق بۇزۋشىلىق تۋرالى كودەكسىنىڭ 434-بابى «ۇساق قۇقىق بۇزۋشىلىق» بويىنشا اكىمشىلىك حاتتاما تولتىردى. استانا قالاسى مامانداندىرىلعان اۋدانارالىق اكىمشىلىك سوتىنىڭ قاۋلىسىمەن 22 جاستاعى ازاماتقا 10 اەك كولەمىندە ايىپپۇل سالىندى.
جەرگىلىكتى پوليتسيا قىزمەتى ۇساق بۇزاقىلىق جاساعانداردىڭ سانى بۇگىندە سوت جۇزىندە 3586 ماتەريال قۇرايتىنىن, ونىڭ ىشىندە 384 ادام اكىمشىلىك قاماۋعا الىنىپ, 3202 ازاماتقا ايىپپۇل سالىنعانىن حابارلادى.