«نۇر وتان» پارتياسىنىڭ دەپۋتاتتىققا ۇمىتكەرلەرى تراۆماتولوگيا جانە ورتوپەديا عىلىمي-زەرتتەۋ ينستيتۋتى ماماندارىمەن ونلاين كەزدەسۋ وتكىزدى. ۇگىت-ناسيحات جۇمىستارى اياسىندا وتكەن جيىن بارىسىندا پارتيانىڭ سايلاۋالدى باعدارلاماسى تانىستىرىلىپ, سالاداعى تۇيتكىلدى ماسەلەلەر تالقىعا ءتۇستى.
شاراعا «تۇران-استانا» ۋنيۆەرسيتەتىنىڭ رەكتورى گۇلجامال جاپپاروۆا, جەكە سوت ورىنداۋشىسى تالعات مامىقانوۆ, №3 كوپبەيىندى قالالىق اۋرۋحانانىڭ باس دارىگەرى زايتۋنا حاميدۋللينا قاتىسىپ, ەل مەديتسيناسىن جاقسارتۋدىڭ جولدارىنا توقتالدى.
«ەلوردادا «ءۇيدىڭ جانىنداعى دارىگەر» جوباسى قولعا الىنىپ, جوبا شەڭبەرىندە 30 وتباسىلىق دارىگەرلىك امبۋلاتوريالار اشۋ كوزدەلگەن. يگى ءىس 300 مىڭ تۇرعىندى قامتيدى دەپ جوسپارلانعان. سونداي-اق نۇر-سۇلتاندا ۇلتتىق عىلىمي ونكولوگيالىق ورتالىق, 500 ورىندىق ينفەكتسيالىق اۋرۋحانا, 800 ورىندىق كوپبەيىندى اۋرۋحانا جانە جاڭا پەرزەنتحانا سالىنادى» دەدى №3 كوپبەيىندى قالالىق اۋرۋحانانىڭ باس دارىگەرى زايتۋنا حاميدۋللينا.
كەزدەسۋ بارىسىندا پارتيانىڭ سايلاۋالدى باعدارلاماسى, ونداعى مەديتسينا سالاسىندا بولاتىن وڭ وزگەرىستەر تۋرالى ايتىلدى. Nur Otan پارتياسى وكىلدەرى بۇعان دەيىن قازاقستان وڭىرلەرىنىڭ ءبارىن ارالاپ, حالىقتىڭ مۇڭ-مۇقتاجىنا قۇلاق تۇرگەنى ءمالىم. سونىڭ ناتيجەسىندە پارتيانىڭ سايلاۋالدى باعدارلاماسى ازىرلەندى. باعدارلاما ءار وبلىستىڭ قالالارى مەن اۋداندارىنا ارنايى ازىرلەنگەن.
كەزدەسۋگە قاتىسقان اق حالاتتىلارعا اتالعان باعدارلاما اياسىنداعى وڭ وزگەرىستەر تۋرالى باياندالىپ, بىرقاتار ماسەلەلەر كوتەرىلدى. گۇلجامال جاپپاروۆا مەن تالعات مامىقانوۆ بۇل ماسەلەلەردىڭ سايلاۋالدى باعدارلاما اياسىندا شەشىلەتىنىن ايتىپ, ىندەتپەن كۇرەستە ايانباي ەڭبەك ەتكەن مەديتسينا ماماندارىنا العىس ءبىلدىردى.
«دارىگەردىڭ مارتەبەسى بيىل ارتا ءتۇستى. ولار بار قيىندىقتى حالىقپەن بىرگە ەڭسەرىپ, ناۋقاستاردىڭ جاعدايىن جاساۋعا تىرىستى. سونىمەن قاتار Nur Otan پارتياسى مەديتسينالىق-الەۋمەتتىك كومەك بەرۋدى باستى مىندەت سانايدى. وسى ىندەت كەزىندە پارتيا وكىلدەرى ەل ازاماتتارىنىڭ ءومىرىن جاقسارتۋعا باعىتتالعان شارالارعا بەلسەندى تۇردە ارالاستى. جاعدايى قيىن وتباسىلارعا ازىق-تۇلىك پاكەتتەرىن تاراتتى, كومەككە ءزارۋ ازاماتتاردىڭ بارىنە قول ۇشىن سوزدى» دەدى ت.مامىقانوۆ.
نۇر-سۇلتان قالاسىنداعى Nur Otan پارتياسى سايلاۋ قورىنىڭ قاراجاتىنان تولەندى.
