استانادا سەنبى-جەكسەنبى كۇندەرى تۇركىستان وبلىسىنىڭ ازىق-تۇلىك جارمەڭكەسى ءوتتى.
وڭتۇستىكتىڭ استىق وندىرۋشىلەرى الىستان ات ارىلتىپ ەلورداعا 286 توننا ازىق-تۇلىك جەتكىزدى. ناقتىراق ايتساق, 65 توننا ەت جانە ەت ونىمدەرى, 101 توننا كوكونىس, 18 توننا ءسۇت ونىمدەرى, 6 توننا بالىق, 5 توننا بال, 20 مىڭ دانا جۇمىرتقا, 4 توننا ءتۇرلى كونسەرۆى جانە باسقا دا 41 توننا ونىمدەر ساۋداعا ءتۇستى.
قالا جۇرتىن ازان-قازان قىلعان بۇل جارمەڭكەدە بارلىق تاۋار نارىقتاعى باعادان تومەندەتىلىپ ساتىلدى. مىسالى, كيلوگراممەن ەسەپتەگەندە كارتوپ – 80-110 تەڭگەدەن, ورامجاپىراق – 80 تەڭگەدەن, پياز – 70 تەڭگەدەن, ءسابىز – 110-120 تەڭگەدەن, قيار – 150 تەڭگەدەن, قىزاناق 150 تەڭگەدەن ساۋدالاندى. ەندى وسى داستۇرمەن 30 ماۋسىم كۇنى قاراعاندى وبلىسىنان تاعى ءبىر ازىق-تۇلىك كەرۋەنى كەلەدى.
