ۇلتتىق جوبالارعا تۇزەتۋلەر ەنگىزىلۋى مۇمكىن. بىراق بولىنگەن قاراجات پەن كۇتىلەتىن ناتيجەسى وزگەرتىلمەيدى. قازاقستان رەسپۋبليكاسى پرەزيدەنتى اكىمشىلىگى باسشىسىنىڭ ءبىرىنشى ورىنباسارى داۋرەن اباەۆ «اشىق ديالوگ-2» سۇحباتىنىڭ كەزەكتى سانىندا وسىنداي پىكىر ءبىلدىردى.
«ۇلتتىق جوبالاردىڭ تاعى ءبىر ەرەكشە سۇزگىسى – ادامدارعا باعىتتالۋىندا. مەملەكەت باسشىسى بۇل تۋرالى دا ايتقان بولاتىن. وسىناۋ 10 ۇلتتىق جوبا نەگىزگى قوعامدىق يگىلىك دەپ ايتۋعا بولادى. ونىڭ ءاربىر ازاماتقا قاتىسى بار. ءار ازاماتتىڭ تۇرمىسىن, ومىرىنە قاناعاتتانۋ دەڭگەيىن, ءبىلىمى مەن دەنساۋلىعىن, ەكولوگيانى, مەملەكەتتىك قىزمەتتەردى, قاۋىپسىزدىكتى, ءتىپتى داستارقانداعى اسىمىزعا دەيىن وسى ۇلتتىق جوبالار ايقىندايدى. ازاماتتار بۇل ارقىلى ۇكىمەتتىڭ ارەكەتتەرى ولاردىڭ كۇندەلىكتى شىندىعىمەن قانشالىقتى سايكەسەتىنىن ءتۇسىنۋى كەرەك» دەدى پرەزيدەنت اكىمشىلىگى باسشىسىنىڭ ءبىرىنشى ورىنباسارى.
سونداي-اق ول جوبالاردىڭ ىسكە اسۋىن پرەزيدەنت اكىمشىلىگى قاداعالاپ, قاجەت بولسا پرەزيدەنت تاپسىرماسىمەن تۇزەتۋلەر ەنگىزىلىپ وتىراتىنىن ايتتى. «بىرىنشىدەن, ۇلتتىق جوبالاردىڭ ىسكە اسىرىلۋىنا پرەزيدەنت اكىمشىلىگى تاراپىنان دا, جوبالىق كەڭسە تاراپىنان دا تۇراقتى مونيتورينگ جۇرگىزىلەدى. بۇل تۇرعىدا ۇلتتىق جوبالار الدەقايدا يكەمدى قۇرال دەۋگە بولادى. ونداعى كەز كەلگەن دۇنيەنى وزگەرتۋگە بولادى. تەك كۇتىلەتىن ناتيجەلەر مەن بولىنگەن قاراجاتتى عانا وزگەرتۋگە بولمايدى. ونىڭ ۇستىنە ۇلتتىق جوبالاردىڭ ىسكە اسۋىنا جالپى ساياسات تۇرعىسىنان پرەزيدەنتتىڭ كوڭىلى تولماسا, تۇزەتۋ ەنگىزۋ ءۇشىن تاپسىرمالار بەرە الادى. بۇل جولداۋ نەمەسە ۇكىمەتتىڭ كەڭەيتىلگەن وتىرىستارى اياسىندا جاريا تۇردە دە, جەكەلەگەن تاپسىرمالار تۇرىندە دە ايتىلۋى مۇمكىن» دەپ ءتۇسىندىردى داۋرەن اباەۆ.
