استانا قالاسى اكىمدىگىنىڭ مەملەكەتتىك فيلارمونيا ۇجىمى 1 قازان كۇنى ەلوردا ىرگەسىندە ورنالاسقان اقمول اۋىلى تۇرعىندارىنا ارناپ مەرەكەلىك كونتسەرت قويدى. 
ءىس-شارا اياسىندا تسەلينوگراد اۋدانى اكىمى باقبەرگەن ماۋلەنوۆتىڭ باماسىمەن مادەنيەت ۇيىندە قارتتارعا ارنالعان سالتاناتتى جيىن ءوتتى. استانادان بارعان انشىلەر مەن بيشىلەر جەرگىلىكتى قاريالاردىڭ كوڭىلىن ءبىر سەرپىلتىپ تاستادى. مەرەكەلىك كەشتە اعا بۋىن وكىلدەرى اقان سەرى مەن ءبىرجان سالدىڭ اندەرىن سۇيسىنە تىڭداپ, «شالقىما» بي ءانسامبلىنىڭ مىڭ بۇرالعان بيلەرىن تاماشالادى. اسىرەسە, بەلگىلى ءانشى ەرلان رىسقاليدىڭ ورىنداۋىنداعى حالىق اندەرىن ىستىق ىقىلاسپەن تىڭدادى. مەرەكەلىك كونتسەرتكە اۋدانعا قاراستى 18 اۋىلدىق وكرۋگتەن جۇزگە جۋىق قاريا جينالعان. ولارعا اۋدان اكىمشىلىگى ازىق-تۇلىك سالىنعان قالتا تاراتتى.
بۇگىندە تسەلينوگراد اۋدانىندا 4684 زەينەتكەر تۇرادى. ونىڭ تورتەۋى ۇلى وتان سوعىسىنىڭ ارداگەرى بولسا, 357-ءسى تىل ەڭبەككەرلەرى. اۋدان باسشىلىعى تاراپىنان ولاردىڭ بارىنە الەۋمەتتىك كومەك كورسەتىلىپ, قامقورلىق جاسالۋدا.
