ۇلت مۇددەسى ەسكەرىلۋى كەرەك
سەنات توراعاسى قاسىم-جومارت توقاەۆ جاڭا لاتىن ءالىپبي بويىنشا قوعام ۇسىنىستارىن ۇلتتىق كوميسسيا ەسكەرۋى قاجەت دەپ ەسەپتەيدى.
بۇل تۋرالى سەنات ءتوراعاسى ءوزىنىڭ Tۋيتتەردەگى پاراقشاسىندا «ۇلتتىق كوميسسيا لاتىن ءالىپبيى بويىنشا قوعام تالقىلاۋىنداعى ماردىمدى ۇسىنىستاردى ەسكەرۋى قاجەت» دەپ جازدى.
ونىڭ پىكىرىنشە, ەلباسى ايتقانداي, لاتىن ءالىپبيىن قولدانىسقا ەنگىزۋدى كەزەڭ-كەزەڭىمەن ىسكە اسىرعان ءجون.
قاسىم-جومارت توقاەۆتىڭ پىكىرى حالىق اراسىندا تۇتاستاي قولداۋ تاۋىپ, قوعامنىڭ قىزۋ تالقىسىنا ءتۇستى. ونى جازبانىڭ استىنا قالدىرىلعان كوممەنتاريلەردەن بايقاۋعا بولادى. تۇركيانىڭ ميمار سينان كوركەم ونەر ۋنيۆەرسيتەتىنىڭ پروفەسسورى, شوقايتانۋشى ابدۋاقاپ قارا «وتە دۇرىس, مىڭ جاساڭىز. قاجەتتى ءتۇزەتۋلەر جاسالسا قانداي تاماشا بولار ەدى» دەپ ءپىكىر قالدىرسا, Qabzhan Shormanuly ەسىمدى قولدانۋشى «اسىعىستىق كەرەك ەمەس» دەي كەلە, سەنات توراعاسىنىڭ پىكىرىن قولدايتىنىن ءبىلدىردى.
ال Amanzhan AlshinQazaq دەگەن الەۋمەتتىك جەلى قولدانۋشىسى احمەت بايتۇرسىنۇلىنىڭ «توتە جازۋى» دەپ اتالعان ءالىپبي قازاق ءتىلى ءۇشىن قولايلى ەكەندىگىن, ءتول دىبىستارىمىزدى ساقتاپ قالاتىنىن جەتكىزدى.
ونىڭ پىكىرىنشە, ەلباسى ايتقانداي, لاتىن ءالىپبيىن قولدانىسقا ەنگىزۋدى كەزەڭ-كەزەڭىمەن ىسكە اسىرعان ءجون.
گۇلدانا تالعاتقىزى