قر پارلامەنت ءماجىلىسىنىڭ دەپۋتاتى باقىتبەك سماعۇل مەن استانا قالاسى ءماسليحاتىنىڭ دەپۋتاتى اسحات ورالوۆ ل.گۋميلەۆ اتىنداعى ەۋرازيا ۇلتتىق ۋنيۆەرسيتەتىندە ەلوردالىق جاستارمەن كەزدەستى.
جيىندا ەلباسى ۇسىنعان بەس ينستيتۋتسيونالدى رەفورمانى جۇزەگە اسىرۋ جونىندەگى 100 ناقتى قادام تۋرالى تەرەڭىرەك ايتىلدى. ەلوردالىق ءماسليحاتتىڭ دەپۋتاتى اسحات ورالوۆ وسى ماقساتتا كەڭىرەك ءسوز قوزعادى. ونىڭ جاستار ءۇشىن الار ورنى ەرەك ەكەندىگىن باياندادى.
قر پارلامەنت ءماجىلىسىنىڭ دەپۋتاتى باقىتبەك سماعۇل دا «100 ناقتى قادام» ۇلت جوسپارىنىڭ ىسكە اسىرىلۋىنىڭ ناتيجەلەرى تۋرالى پاراساتتى وي ءوربىتتى. «جاستار – ءبىزدىڭ بولاشاعىمىز, سوندىقتان دا سىزدەردىڭ پىكىرلەرىڭىز بىزگە ماڭىزدى. ءار كەزدەسكەن سايىن جالىنداپ تۇرعان جاستاردى كورىپ, ءسۇيسىنىپ جۇرەمىن. جاستاردىڭ باستاۋىمەن ىستەلىپ جاتقان جوبالاردى قولدايمىن. سوندىقتان سىزدەردىڭ وزىق ويلارىڭىز بەن جاقسى پىكىرلەرىڭىزدى بىلگىمىز كەلەدى» دەپ ءوز ءسوزىن تۇيىندەپ ءوتتى ول.
شاراعا قاتىسىپ وتىرعان جاستار دا ەلباسى ۇسىنعان بەس ينستيتۋتسيونالدى رەفورمانى جۇزەگە اسىرۋ جونىندەگى 100 ناقتى قادام تۋرالى وزدەرىنىڭ ويلارىن ءبىلدىرىپ, ۇلكەن قولداۋ كورسەتتى.
ازامات ەسەنجول
