«ۇمىتىلعان باتىرلار» ورالدى
كەشە قر ۇلتتىق مۇراجايىندا بەلگىلى ساياساتتانۋشى بەرىك ابدىعاليۇلىنىڭ «زابىتىە گەروي. گەروي سوۆەتسكوگو سويۋزا» اتتى كىتابىنىڭ تۇساۋكەسەر ءراسىمى ءوتتى.
بۇل ەڭبەكتە ءىى دۇنيەجۇزىلىك سوعىستا ەرەكشە كوزگە ءتۇسىپ, ەرلىك كورسەتكەن وتانداستارىمىز تۋرالى جازىلعان. ناقتىلاي ايتساق, مۇندا كەزىندە «كەڭەس وداعىنىڭ باتىرى» اتاعىنا ۇسىنىلعان, الايدا, بەلگىسىز سەبەپتەرمەن ول اتاققا قول جەتكىزبەگەن ازاماتتار تۋرالى باياندالادى. اۆتوردىڭ ايتۋىنشا, بۇل «ۇمىتىلعان باتىرلار» جايىنداعى مالىمەتتەر رەسەي قورعانىس مينيسترلىگىنىڭ ارحيۆىنەن الىنىپتى. كىتاپقا ەنگەن تۇلعالاردىڭ اتى-ءجونى مەن ەرلىكتەرى مۇراعات دەرەكتەرىندە كورسەتىلگەنى بولماسا, كۇنى بۇگىنگە دەيىن نازارعا ۇسىنىلماپتى.
ايتا كەتەر جايت, كىتاپ اۆتورىنىڭ وسىدان بەس جىل بۇرىن مەملەكەتتىك ءتىلدى دامىتۋ پرەزيدەنتتىك قورىنىڭ ديرەكتورى قىزمەتىن اتقارىپ تۇرعان كەزىندە قولعا العان «حالىق باتىرى» جوباسى جەڭىستىڭ 70 جىلدىعى اياسىندا جۇزەگە اسىپ وتىر. ازىرگە «كەڭەس وداعى باتىرى» اتاعىنا ۇسىنىلعان 10 قازاقستاندىق باتىر جايىندا ماعلۇمات تابىلعان. جوبا ماقساتى – تاريحي ادىلەتتىلىكتى قالپىنا كەلتىرۋ جانە جاس ۇرپاق بويىنا وتانسۇيگىش قاسيەت دارىتۋ.
باسىلىم «نۇر وتان» پارتياسى قوعامدىق ساياسات ينستيتۋتى مەن «بايقادام حولدينگ» كومپانياسىنىڭ قولداۋىمەن جارىق كوردى.
ءنازيرا سايلاۋقىزى