18 تامىز كۇنى «استانا وپەرا» تەاترىنى كامەرالىق زال ساحناسىندا قازاقستاندىق مۋزىكانتتار – حالىقارالىق بايقاۋلاردىڭ لاۋرەاتتارى ەرجان قۇشانوۆ (فلەيتا) پەن نۇربولسىن تولەۋحان (باس-ترومبون) ۇسىناتىن «ف-دان ت-عا دەيىن – From F to T» اتتى ۇرلەمەلى مۋزىكا كەشى وتەدى. باعدارلامادا كلاسسيكادان باستاپ, قازىرگى زامان اۋەندەرى ورىندالادى.
ەرجان قۇشانوۆ – پاريج جوعارى ۇلتتىق مۋزىكا جانە بي كونسەرۆاتورياسىنىڭ تۇلەگى, رەسەي, فرانتسيا, چەحيا, جاپونياداعى حالىقارالىق بايقاۋلاردىڭ لاۋرەاتى. قازىرگى ۋاقىتتا جامبىل اتىنداعى قازاق مەملەكەتتىك فيلارمونياسى سيمفونيالىق وركەسترىنىڭ ءسوليسى جانە توپ كونتسەرتمەيستەرى. قۇرمانعازى اتىنداعى قازاق ۇلتتىق كونسەرۆاتورياسىنىڭ ماگيسترانتى.
نۇربولسىن تولەۋحان – قۇرمانعازى اتىنداعى قازاق ۇلتتىق كونسەرۆاتورياسىنىڭ تۇلەگى جانە ماگيسترانتى, حالىقارالىق بايقاۋلاردىڭ لاۋرەاتى. مۋزىكانت JuBand دجاز وركەسترىنىڭ نەگىزىن قالاۋشى ءارى جەتەكشىسى, دۇنيەجۇزىلىك دجاز قاۋىمداستىعىنىڭ مۇشەسى (نيۋ ورلەان, اقش), م.بيسەنعاليەۆتىڭ جەتەكشىلىگىندەگى ءۇندىستان سيمفونيالىق وركەسترىمەن (SOI) ىنتىماقتاستىقتا جۇمىس ىستەيدى.
فورتەپيانو پارتياسىن بوتاگوز ايعالقاەۆا مەن گۇلناز قوسامانوۆا ورىندايدى. كونتسەرت باعدارلاماسىنا ۆ.ا.موتسارتتىڭ, دج.ەنەسكۋدىڭ, ت.ب. كومپوزيتورلاردىڭ شىعارمالارى ەنگىزىلدى.
