ۇزدىك سارباز
اسكەر ساپىندا ساپ تۇزەپ جۇرگەن ۇزدىك ساربازداردىڭ ءبىرى, قر قارۋلى كۇشتەرى قۇرلىق ءاسكەرلەرىنىڭ قۇرامىنداعى №68665 اسكەري ءبولىمىنىڭ 3 دەسانتتىق-شابۋىلداۋ روتاسىنىڭ قاتارداعى جاۋىنگەرى ەركىن ارىپباەۆتى اڭگىمەگە تارتقان بولاتىنبىز.
وڭتۇستىك قازاقستان وبلىسىنىڭ قازىعۇرت اۋىلىندا تۋىپ-وسكەن سارباز بالا كۇننەن سپورتقا اۋەس بولىپ ءوسىپتى. جاقىندا اسكەر قاتارىنداعى مەرزىمى اياقتالاتىنىن ايتقان ول الداعى ۋاقىتتا ساردار بولىپ, ءومىرىن اسكەري قىزمەتپەن بايلانىستىرعىسى كەلەتىنىن تىلگە تيەك ەتتى.
ايتا كەتۋ كەرەك, 2003 جىلى قۇرىلعان №68665 اسكەري ءبولىمىنىڭ تەحنيكالارى 2011 جىلى تۇگەلدەي جاڭارتىلعان. اسكەري ءبولىمنىڭ قازىرگى كومانديرى – پودپولكوۆنيك نۇرلان كارىباەۆ.
– قازاقتىڭ باتىرى باۋىرجان مومىشۇلىن ءپىر تۇتپايتىن ادام كەمدە-كەم شىعار. مەن دە سول كىسى سياقتى ەرجۇرەك ساردار بولعىم كەلەدى. وتان الدىنداعى بورىشىمدى وتەۋ مەرزىمىم اياقتالعان سوڭ, الماتىداعى اسكەري اكادەمياعا قۇجات تاپسىرسام دەيمىن. الداعى ءومىرىمدى وسى سالاعا ارناپ, وتانىمدى قاسىق قانىم قالعانشا قورعاۋعا ءازىرمىن. قازاقستان رەسپۋبليكاسىنا ادال قىزمەت ەتەم! – دەيدى جاۋىنگەر ەركىن ارىپباەۆ ءسوز سوڭىندا.