«حان شاتىر» ساۋدا-ويىن-ساۋىق ورتالىعىندا استانا قالاسى تىلدەردى دامىتۋ باسقارماسىنىڭ ۇيىمداستىرۋىمەن ءداستۇرلى «ۇزدىك الەۋمەتتىك جارناما» قالالىق كونكۋرسىنىڭ جەڭىمپازدارىن ماراپاتتاۋ سالتاناتى وتتى.
قازىر الەم نازارىن اۋدارىپ وتىرعان «ەكسپو-2017» مامانداندىرىلعان حالىقارالىق كورمەسى ءوتىپ جاتقان كەزدە قالا كوشەلەرىندەگى سىرتقى جارناما مەن كورنەكى اقپارات ءماتىنىنىڭ ۇلتتىق تىلمەن بايىتىلىپ, ساۋاتتى دا كوركەم بەزەندىرىلۋى اسا ماڭىزدى. وسىعان وراي, كونكۋرس تا باسقا قىرىنان كورىنىپ وتىر.
«ەلباسىنىڭ «بولاشاققا باعدار – رۋحاني جاڭعىرۋ» باعدارلامالىق ماقالاسىنان تۋىندايتىن مىندەتتەردى نەگىزگە الا وتىرىپ, بيىل ءىس-شارانى باسقاشا ۇيىمداستىرۋعا شەشىم قابىلدادىق. مۇنداعى باستى ەرەكشەلىك – وعان قاتىسۋشى جارناما اگەنتتىكتەرى مەن كومپانيالارى جىلداعىداي ءوز ونىمدەرىن كوپشىلىكتىڭ نازارىنا ۇسىنبادى. كەرىسىنشە, قۇرامىنا قازىلار القاسى ەنگەن ارناۋلى جۇمىس توبى قالاداعى ەلۋگە تارتا جارناما اگەنتتىكتەرى مەن كومپانيالارعا بارىپ, شىعارعان ونىمدەرىمەن جان-جاقتى تانىسىپ, سول جەردە جۇمىستارىن باعالادى» دەيدى استانا قالاسى تىلدەردى دامىتۋ باسقارماسىنىڭ باس مامانى ايگۇل يمانعالي.
سونىمەن, كونكۋرسقا قاتىسقان قىرىق ءۇش كاسىپورىننىڭ اراسىنان – «استانا كوركەم», «ىقىلاس», «ORDA Advertisinc», «BAQorda media», «زOOM» جانە «پروفي دم» جارناما اگەنتتىگى جەڭىمپاز دەپ تانىلدى.
جەڭىمپازدارعا ديپلوم مەن ەسكەرتكىش سىيلىقتار تاپسىرىلدى.
تاڭاتار تولەۋعاليەۆ
