استانادا قر ءبىلىم جانە عىلىم مينيسترلىگىنىڭ تىكەلەي باستاماسىمەن وتكىزىلگەن «ستۋدەنتتەردىڭ 100 ۇزدىك يدەياسى» اتتى رەسپۋبليكالىق كونكۋرستىڭ جەڭىمپازدارى انىقتالدى.
بايقاۋ قولدانىسقا كەرەكتى ءارى قوعامدىق تۇرعىدا ماڭىزدى يننوۆاتسيالىق يدەيالار مەن جوبالاردى انىقتاۋعا باعىتتالعان بولاتىن. جاستار وعان قازاقستاننىڭ قاسيەتتى جەرلەرىن برەندىلەۋ, قولايلى قالا ورتاسىن قالىپتاستىرۋ, اۋىلدىق جەردىڭ تۇرمىسىن جاقسارتۋ, سەلف-برەندينگتى كوپشىلىككە ناسيحاتتاۋ, لاتىن الىپبيىنە كوشۋ, قازاق تىلىنە اۋدارىلعان كىتاپتارعا دەگەن كوپشىلىكتىڭ قىزىعۋشىلىعىن ارتتىرۋعا قاتىستى جوبالارىن ۇسىندى.
جارىسقا 100-دەن اسا ءوتىنىم قابىلدانعان. ولاردىڭ ىشىنەن ءال-فارابي اتىنداعى قازۇۋ ستۋدەنتتەرى بالجان قاراتاەۆا مەن كاميلا يمانعاليەۆا ۇسىنعان «Alshy» – ۇلتتىق برەند» جوباسى ءى ورىن الدى. قاراعاندى ەكونوميكالىق ۋنيۆەرسيتەتىنىڭ ستۋدەنتى التىناي جولدىبايدىڭ «Digital University» جوباسى ءىى ورىنعا, ال پاۆلودار مەملەكەتتىك پەداگوگيكالىق ۋنيۆەرسيتەتىنىڭ ستۋدەنتى ايگەرىم ورازبەك ءىىى ورىنعا يە بولىپ, باعالى سىيلىقتارمەن ماراپاتتالدى.
