ۆەنەتسياداعى پالاتستسو دونا دەل روزە سارايىندا ءا.قاستەەۆ اتىنداعى قر مەملەكەتتىك ونەر مۋزەيىنىڭ «قازاق دالاسىنىڭ ىرعاقتارى» كورمەسى سالتاناتتى تۇردە اشىلدى.
كورمە «رۋحاني جاڭعىرۋ» مەملەكەتتىك باعدارلاماسىنىڭ اياسىندا ۇيىمداستىرىلدى جانە ۆەنەتسياعا كوپتەگەن كۋراتورلار مەن ونەرسۇيەر قاۋىم كەلەتىن اتاقتى ۆەنەتسيا بيەننالەسى كەزىندە وتەدى.
ءا.قاستەەۆ اتىنداعى ونەر مۋزەيى قورىنان «قازاق دالاسىنىڭ ىرعاقتارى» ەكسپوزيتسياسى حح عاسىردىڭ ەكىنشى جارتىسىنداعى ەۆگەني سيدوركين, ساليحيتدين ايتباەۆ, البەرت گۋرەۆ, يساتاي يساباەۆ, قادىربەك كامەتوۆ, ماقىم قيسامەدينوۆ جانە بوريس پاك سياقتى كورنەكتى قازاقستاندىق سۋرەتشىلەردىڭ 20 گرافيكالىق تۋىندىلارىن ۇسىنادى. حح عاسىردىڭ 60-شى جىلدارىنان باستاپ, قازاقستان گرافيكاسىندا جانرلاردى, تەحنيكانى كەڭەيتۋ, ماتەريالدارمەن جۇمىس ىستەۋ جانە جاڭادان پايدالانىلماعان مانەرلەۋ قۇرالدارىن ىزدەۋ كەزىندە كوركەمدىك تاسىلدەردىڭ ودان ءارى زەرتتەلۋى بەلسەندى بولدى.
«ءا.قاستەەۆ اتىنداعى قر مەملەكەتتىك ونەر مۋزەيى الەمنىڭ ءىرى مادەني ورتالىقتارىنىڭ شەتەلدىك كورەرمەندەرىنە ءوزىنىڭ بىرەگەي كوللەكتسياسىنىڭ بولىمدەرىن, قازاقستاننىڭ بىرەگەي بەينەلەۋ ونەرىن العاش رەت ۇسىنىپ وتىرعان جوق» دەيدى مۋزەي ديرەكتورى گۇلميرا شالاباەۆا.
