بۇگىن بىرىڭعاي جيناقتاۋشى زەينەتاقى قورى مەن iKomek قالالىق مونيتورينگ جانە جەدەل ارەكەت ەتۋ ورتالىعى اراسىندا ورتاق كەلىسىمشارت جاسالدى.
«بجزق» اق استانا قالاسى فيليالىنىڭ باسقارۋشى ديرەكتورى مۇرات ءشارىپوۆ پەن iKomek قالالىق مونيتورينگ جانە جەدەل ارەكەت ەتۋ ورتالىعىنىڭ ديرەكتورى جاننات ءدۇبىروۆا ءوزارا تۇسىنىستىك جانە ىنتىماقتاستىق تۋرالى كەلىسىمگە قول قويدى. بۇدان بىلاي استانالىقتاردا زەينەتاقىعا قاتىستى سۇراقتارى تۋىنداسا, «109» نومىرىنە تەلەفون شالۋعا بولادى. مىسالى, زەينەتكەرلىككە شىعۋ ءۇشىن قانداي قۇجات جيناۋ كەرەك نەمەسە قاي مەكەنجايعا بارۋى قاجەت؟ وسىنداي سۇراقتار بويىنشا كەڭەس بەرەتىن وپەراتورلار ەگەر تۇرعىندار تاراپىنان ماڭىزدى ماسەلەلەر تۋىنداپ جاتسا, بجزق ماماندارىمەن بايلانىسقا شىعادى. سپيكەرلەردىڭ ايتۋىنشا, الداعى ۋاقىتتا «109» نومىرىنە قوڭىراۋ سوققان ەلوردالىقتاردىڭ بجزق ماماندارىمەن تىكەلەي بايلانىسۋىن قولعا الادى. سونىمەن قاتار بىرىڭعاي جيناقتاۋشى زەينەتاقى قورىنىڭ call-ورتالىعى دا (1418) جۇمىسىن جالعاستىرا بەرەدى. بىراق ونىڭ وپەراتورلارى الماتى قالاسىندا وتىرادى.
ايتا كەتۋ كەرەك, iKomek-ءتىڭ 60 وپەراتورى 770-تەن اسا قىزمەت ءتۇرى بويىنشا قوڭىراۋعا كۇندىز-ءتۇنى جاۋاپ بەرەدى.
