استانا قالاسىنىڭ № 29 «اق قايىڭ» بالاباقشاسىندا مەملەكەتتىك رامىزدەر كۇنىنە وراي «ءۇش جۇرەك بىرلىگى» اتتى اتا-انالار كونفەرەنتسياسى ءوتتى.
جيىننىڭ ماقساتى – مەكتەپكە دەيىنگى جاستاعى بالالاردىڭ شىعارماشىلىق قابىلەتتەرىن دامىتۋدا بالاباقشا مەن وتباسىنىڭ ىنتىماقتاستىعىن ارتتىرۋ بولدى.
كونفەرەنتسيادا بالاباقشا ادىسكەرلەرى مەن پسيحولوگ, تاربيەشى-ماماندار بالدىرعانداردىڭ شىعارماشىلىعىن قالاي دامىتۋعا بولاتىنى جونىندە اتا-انالارعا ءتۇسىندىردى. ءادىس-تاسىلدەر ءتۇرلى ويىندار ارقىلى جۇرگىزىلدى. ايتالىق, «گۇلدەر» ويىنىندا اتا-انالارعا بالالار الەمىندەگى ءارتۇرلى جاعداياتتتارعا بايلانىستى كورىنىستەر ۇسىنىلىپ, سۇراقتار قويىلدى. ال, ادىسكەر س.كاپتاەۆا بالا تاربيەسىندەگى فرانتسۋز ادىستەمەسىن كورسەتىپ, قاتىسۋشىلاردى شىعارماشىلىق اڭگىمە قۇراستىرۋعا جۇمىلدىردى.
كونفەرەنتسيانىڭ سوڭىندا «جۇرەكتەن جۇرەككە» ادىستەمەسى بويىنشا قورىتىندى جاسالىپ, اتا-انالار پىكىر-ۇسىنىستارىن ورتاعا سالدى.
