قوعامدىق دەنساۋلىق ساقتاۋدى قورعاۋ دەپارتامەنتى Kcell, ALTEL, Beeline جانە باسقا دا ۇيالى بايلانىس وپەراتورلارىنىڭ قۇرىلعىلارىنان ەلەكتروماگنيتتىك ساۋلەلەردىڭ بولىنۋىنە ۇنەمى مونيتورينگ جۇرگىزدى.
ەلوردا تۇرعىندارىنىڭ ۇيالى بايلانىس انتەننالارى تۋرالى وتىنىشتەرىن تەكسەرۋ ناتيجەسىندە 17 ۇيالى بايلانىس انتەنناسى الىنىپ تاستالدى. دەپارتامەنت باسشىسى سادۋاقاس بايعابىلوۆتىڭ ايتۋىنشا, ۇيالى بايلانىس انتەننالارى سانيتارلىق اۋماق ساقتالماي ورناتىلعان جاعدايدا, ادامداردىڭ دەنساۋلىعىنا كەرى اسەرىن تيگىزۋى مۇمكىن. مۇنىڭ سوڭى باس اۋرۋى, جۇرەك-قان تامىرلارى جۇيەسى اۋرۋلارىنا جانە گورمونالدى وزگەرىستەرگە دە اكەپ سوعۋى ىقتيمال. بالاباقشا, مەكتەپ جانە ينتەرنات عيماراتتارىنا انتەننالاردى ورنالاستىرۋعا تىيىم سالىنادى. ال تۇرعىن ءۇي جانە اكىمشىلىك عيماراتتاردىڭ شاتىرلارىنا 100 ۆت-تان استام قۋاتى بار تاراتۋشى انتەننالاردى ورنالاستىرۋعا رۇقسات جوق.
