كونستيتۋتسيا كۇنى مەرەكەسىنە وراي ەسىل اۋدانىنا قاراستى «جاعالاۋ» ىقشام اۋدانىندا پوليتسيا ءبولىمى اشىلدى.
سالتاناتتى شارادا اتالمىش ىقشام اۋدان تۇرعىندارىن كونستيتۋتسيا كۇنى مەرەكەسىمەن قۇتتىقتاعان ەسىل اۋدانىنىڭ اكىمى تولەگەن زاكاريانوۆ جاڭادان اشىلىپ جاتقان پوليتسيا ءبولىمىنىڭ قىزمەتكەرلەرىنە ساتتىلىك تىلەدى.
جاڭادان اشىلعان №26 پوليتسيا ءبولىمى ايتماتوۆ كوشەسى, 29ا مەكەنجايىندا ورنالاسقان. بارلىق كەرەك-جاراقپەن قامتاماسىز ەتىلگەن بولىمدە ازىرگە بەس ءتارتىپ ساقشىسى قىزمەت ەتەدى.
ۋچاسكەلىك ينسپەكتورلار تۇرعىن ۇيلەردىڭ كىرەبەرىستەرىنە, دۇكەن, ءدامحانا, دارىحانالارعا اقپاراتتىق ستەندتەر ورناتىپ, وزدەرى جايلى جانە پوليتسيا بولىمىنە, تۇرعىنداردى بولىمگە قالاي حابارلاسۋعا بولاتىنى تۋرالى اقپاراتتاردان قۇلاعدار ەتۋدە. كەزەكشى ءبولىمنىڭ جۇمىس كەستەسى – تاڭعى ساعات 08:00-دەن كەشكى 23:00-گە دەيىن. ودان باسقا ۋاقىتتا ينسپەكتورلارعا WhatsApp ارقىلى حابارلاسۋعا بولادى.
