جاعىمسىز ءيىستىڭ «جىرى» توقتايدى

تالدىكول جاقتان شىعاتىن جاعىمسىز يىستەن استانالىقتار ارىلاتىن بولدى. بۇل ءيىستىڭ بىردەن-ءبىر سەبەپكەرى قىس بويى مۇز استىندا جينالىپ, كوكتەم كەلگەندە سۋ بەتىنە كوتەرىلەتىن كۇكىرت سۋتەگى ەدى. اتالمىش حيميالىق گازدى اتموسفەرالىق وتتەكسىز كەڭىستىكتەگى باكتەريالار تۋدىراتىن. ال بۇل باكتەريالاردىڭ ءومىر سۇرۋىنە كولدىڭ تۇبىنە جىلدار بويى جينالعان بالشىق وڭ اسەرىن تيگىزەتىن.

«تالدىكولدىڭ تۇبىندەگى بالشىقتى سورۋ جۇمىستارى تولىعىمەن اياقتالدى. سۋ قويماسىنان 4 ملن توننا بالشىق سورىلدى. بۇل ءوز كەزەگىندە كۇكىرت سۋتەگىنىڭ جويىلۋىنا, قالانىڭ جاعىمسىز يىستەن ارىلۋىنا اكەلەدى» دەيدى استانا قالاسى كوممۋنالدىق شارۋاشىلىق باسقارماسىنىڭ ءبولىم باسشىسى كريستينا شيلوۆا.

ونىڭ ايتۋىنشا, بۇل جۇمىستار اياقتالعان سوڭ كولدىڭ كولەمى كىشىرەيدى. تالدىكول ەلۋ جىلدان استام ۋاقىت تازارتىلعان اعىن سۋلاردى جيناقتاۋشى رەتىندە قىزمەت ەتتى. سول كەزەڭدە دامبا سالىنىپ, كولدىڭ تەرەڭدىگى 2 مەتردەن 8 مەترگە دەيىن ءوستى. ال كول كىشىرەيگەن سوڭ دامبانىڭ قاجەتتىگى بولماي قالدى. «دامبانىڭ توپىراعىن ەندى كەپتىرىلگەن باتپاقپەن ارالاستىرىپ, وسى قوسپا قۇرعاتىلعان جەرگە سەبىلەدى. بولاشاقتا بۇل جەرگە ءشوپ ەگۋ جوسپارلانۋدا. سودان سوڭ تالدىكول اۋماعى دەمالىس ورنىنا اينالادى» دەيدى ك. شيلوۆا.

2015 جىلدىڭ جەلتوقسانىنان تالدىكولگە تازاتىلعان اعىن سۋلاردى جىبەرۋ توقتاتىلعانىن, بۇل سۋ ەسىل وزەنىنە جىبەرىلەتىنىن ايتا كەتەيىك.

امانعالي قالجانوۆ