ورتالىق كوممۋنيكاتسيالار قىزمەتىندە ەۋروپالىق قۇقىق جانە ادام قۇقىن قورعاۋ ساراپتامالىق ينستيتۋتىنىڭ ديرەكتورى مارات باشيموۆ ەلىمىزدىڭ ورتا ازيا ايماعىندا بۇۇ قاۋىپسىزدىك كەڭەسىنە مۇشە بولعان العاشقى ەل ەكەنىن ءارى بۇل وقيعانىن ماڭىزدىلىعىنا توقتالدى.
قازاقستاننىڭ بۇۇ قاۋىپسىزدىك كەڭەسىنە 2017-2018 جىلدارعا تۇراقتى ەمەس مۇشە بولىپ سايلاندى. داۋىس بەرۋگە قاتىسقان بۇۇ-عا مۇشە 193 مەملەكەتتىڭ 138-ءى ەلىمىزدى قولدادى. قالعان 55 مەملەكەت قارسىلاس ەل تايلاندقا داۋىس بەرگەن.
– مۇنداي جەتىستىككە جەتۋىمىزدىڭ باستى سەبەبى, پرەزيدەنت نۇرسۇلتان نازارباەۆتىڭ بۇۇ باس اسسامبلەياسىنىڭ 70-ءشى سەسسياسى بارىسىندا ۇسىنعان باعدارلامالارى شەشۋشى ءرول اتقاردى دەۋگە بولادى. نەگىزگى ۇستانىمىمىز – يادرولىق قارۋسىزداندىرۋ, تەرروريزممەن كۇرەس جانە ەنەرگەتيكالىق قاۋىپسىزدىك ماسەلەلەرى. مەملەكەت باسشىسى نۇرسۇلتان نازارباەۆتىڭ حالىقارالىق بەدەلىنىڭ ارقاسىندا جانە سىرتقى ديپلوماتيالىق قىزمەتتىڭ تابىستى جۇمىسى وسىنداي ناتيجە بەرىپ وتىر. قازاقستان بۇل رەتتە عالامدىق ماسەلەلەردى رەتتەۋگە, يادرولىق قارۋسىزداندىرۋ مەن ونى تاراتپاۋ ماسەلەلەرىن شەشۋدى جالعاستىراتىن بولادى, – دەيدى مارات سوۆەتۇلى.
ايتا كەتكەن ءجون, ەلىمىز بەدەلدى ۇيىمعا تۇراقتى ەمەس مۇشەسى بولۋعا ءوز كانديداتۋراسىن العاش رەت 2010 جىلى ۇسىنعان بولاتىن.
گۇلميرا شارحانقىزى
