جاقىندا مادەنيەت جانە سپورت مينيسترلىگىنىڭ ۇيىتقى بولۋىمەن «جاڭا جاھاندىق كەزەڭدەگى قازاق ءتىلى» اتتى ءىت-جوبالاردىڭ تانىستىرىلىمى ءوتتى.
جاقىندا مادەنيەت جانە سپورت مينيسترلىگىنىڭ ۇيىتقى بولۋىمەن «جاڭا جاھاندىق كەزەڭدەگى قازاق ءتىلى» اتتى ءىت-جوبالاردىڭ تانىستىرىلىمى ءوتتى.
بۇل ءىس-شارادا شايسۇلتان شاياحمەتوۆ اتىنداعى «ءتىل-قازىنا ۇلتتىق عىلىمي-پراكتيكالىق ورتالىعى لاتىن نەگىزدى قازاق ءالىپبيىن ۇيرەتۋگە باعىتتالعان زاماناۋي يننوۆاتسيالىق تەحنولوگيالار ۇسىندى. قاتىسۋشىلارعا ۆەب-پورتالدار مەن پلاتفورمالار, ءموبيلدى قوسىمشالار, ىزدەستىرۋ جۇيەلەرى, سونداي-اق انيماتسيالىق فيلمدەر, ەنتسيكلوپەديالىق, تانىمدىق, ادىستەمەلىك جانە انىقتامالىق ۆەب-سەرۆيستەر كورسەتىلدى.
مادەنيەت جانە سپورت مينيسترلىگى ءتىل ساياساتى كوميتەتىنىڭ توراعاسى قۋات بوراشەۆ «Qazlatyn» جوباسىندا كوپفۋنتسيونالدى كونۆەرتەر جاساقتالعانىن جەتكىزدى.
تانىستىرىلىم بارىسىندا Qazlatyn.kz پورتالى ارقىلى «اباي جولى» رومانى ونلاين كونۆەرتەر جۇيەسىندە كيريلليتسادان لاتىن قارپىنە 6 سەكۋندتىڭ ىشىندە كوشىرىلدى. دالىرەك ايتقاندا, «Qazlatyn.kz ۇلتتىق پورتالى پايدالانۋشىلارعا لاتىن گرافيكاسىنا كوشۋ كەزەڭدەرى جونىندەگى مالىمەتتەر مەن اقپاراتتاردى ۇسىنادى. پورتالداعى قازاق ءالىپبيىنىڭ ەملە ەرەجەسى بويىنشا دايىندالعان كوپفۋنكتسيونالدى كونۆەرتەر ءماتىندى كيريللدەن لاتىنعا, توتە جازۋعا جانە كەرىسىنشە اۋدارۋ قىزمەتتەرىن اتقارادى. ماشينالىق وقىتۋ نەگىزىندە مەملەكەتتىك ءتىلدى ۇيرەتۋگە ارنالعان «Tilqural.kz ۆەب-سەرۆيسى جانە قازاق تىلىندەگى 300 مىڭنان استام سوزدەردىڭ سيپاتتاماسىن كورسەتەتىن ەلەكتروندى «Sozdikqor.kz ىزدەۋ جۇيەسى عالامتور كەڭىستىگىنە قوسىلدى. ل.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ كافەدرا مەڭگەرۋشىسى, عالىم ارداق بەيسەنباي اتالعان جوبالار تۋرالى كەڭىرەك ايتىپ بەردى.
سونىمەن قاتار ۇيىمداستىرۋشىلاردىڭ ايتۋىنشا, 3D فورماتتا ازىرلەنگەن «IQdos» مۋلتفيلمى مەن لاتىن الىپبيىندە تيتر جاسالىپ, دۋبلياجدالعان «سەلتەڭ سەرى» انيماتسيالىق ءفيلمى بالالارعا جاڭا قازاق ءالىپبيىن جىلدام ۇيرەنۋگە مۇمكىندىك بەرمەك.
