جاڭا مەكتەپ قاي اۋماقتا سالىنادى؟

قارلىعاش بولاتبەكقىزى, بالا كۇتۋشى:
– استانادان ءۇي ساتىپ الماق­شى بولىپ وتىرمىز. مەكتەپتە وقيتىن بالالارى­مىز بار. سولارعا ىڭعايلى بولۋ ءۇشىن جاڭادان سالىناتىن مەكتەپتەر قاي جەرلەردە ورنالاساتىنىن ءبىلىپ بەرە الاسىزدار ما؟

وقىرمان ساۋالىنا وراي ءبىلىم باسقارماسىنان الىنعان جاۋاپتى ۇسىنامىز:
استانا قالاسىنىڭ اكىمدىگى ۇكى­مەتتىڭ قولداۋىمەن ارنايى باع­دارلاما بويىنشا جاڭا مەكتەپتەر قۇرىلىسىن سالۋ ءۇشىن جۇمىس جۇرگىزىپ جاتىر.
2018 جىلى شامامەن 7 مىڭ ورىن­عا ارنالعان 6 مەكتەپ سالىنادى. بۇل – №20 اپاتتى جاعدايداعى مەك­تەپتىڭ ورنىنا سالىناتىن جاڭا مەك­تەپ. اباي–بيگەلدينوۆ كوشەسىندەگى تاعى ءبىر مەكتەپ №56, №60, №35 جانە №1 مەكتەپتەرىندەگى ەسەلەنگەن سالماقتى بوساتادى. ال ەكسپو اۋماعىندا تۇراتىن تۇرعىندار ءۇشىن №74, №75 جانە №84 ورتا مەكتەپتەردىڭ ۇلەس سالماعىن جەڭىلدەتەتىن 2 مەكتەپ سالىنادى.
سونداي-اق, استانا قالاسىنىڭ اكىمى اسەت يسەكەشەۆكە حايۆيلل تۇرعىن ءۇي كەشەنىنىڭ تۇرعىندارى وسى اۋماقتىڭ جانىندا مەكتەپ سالۋدى سۇرادى. تۇرعىنداردىڭ ءوتىنىشى بويىنشا قاتارلاس جاتقان ج.ناجىمەدەنوۆ كوشەسىندە جاڭا وقۋ ورنى اشىلادى.
جالپى العاندا, الداعى ءۇش جىلدا رەسپۋبليكالىق بيۋدجەت قاراجاتى ەسەبىنەن 27 مەكتەپ جانە 10 قوسالقى قۇرىلىس سالۋ جوسپارلانىپ وتىر. ونىڭ ىشىندە «ونەركاسىپتىك», «پريگورودنىي», «كوكتال 1, 2» تۇرعىن ءۇي الاپتارى دا بار.