الماتى اۋدانى ءوندىرىس ەلدى مەكەنىندە سپورت الاڭى مەن مۇمكىندىگى شەكتەۋلى بالالاردىڭ قاجەتتىلىكتەرى ءۇشىن جابدىقتالعان ويىن الاڭى اشىلدى.
«ساياباقتا جارىقتاندىرۋ مەن سۋارۋ جۇيەسى تولىعىمەن اۆتوماتتاندىرىلعان. سونىمەن قاتار تۇرعىندار ءۇشىن زاماناۋي, جاتتىعۋ قۇرىلعىلارى بار سپورت الاڭى سالىندى. بۇعان قوسا بالالارعا ارنالعان ويىن الاڭى دا ورناتىلدى» دەدى نۇر-سۇلتان قالاسى قورشاعان ورتانى قورعاۋ جانە تابيعاتتى پايدالانۋ باسقارماسى باسشىسىنىڭ ورىنباسارى ايدىن بەگىمبەكوۆ.
جاڭا اشىلعان ساياباقتا اۋدان تۇرعىندارىنىڭ قاتىسۋىمەن سەنبىلىك ءوتتى. 40 قاراعاي ەگىلدى.
ەندى «نۇر-سۇلتان – جايلى قالا» جوسپارى اياسىندا ەلوردانىڭ شەت اۋماعىنداعى بوس جاتقان جەرلەر يگەرىلەتىن بولادى. سول سياقتى جارامسىز ەسكى عيماراتتاردى بۇزۋ ارقىلى ەل يگىلىگىنە, تۇرعىنداردىڭ جايلىلىعىنا ارنالعان الاڭقايلار, ساياباقتار بىرتىندەپ اشىلادى.
بيىل ەلوردادا 150 اۋلا مەن 50-دەن استام قوعامدىق كەڭىستىك اباتتاندىرىلدى.
