ەلوردادا بىلتىر اشىلعان «جانۇيا» وتباسى ينستيتۋتىن قولداۋ ورتالىعى قالاداعى وتباسىلارعا قۇقىقتىق, پسيحولوگيالىق جانە الەۋمەتتىك كومەك كورسەتەدى. اشىلعان كۇننەن باستاپ ورتالىققا 64 636 سۇراق بويىنشا 36 169 ادام حابارلاسقان. سول ادامدار تاراپىنان ايتىلعان 53 595 ماسەلەگە قاتىستى جۇيەلى كەڭەستەر بەرىلسە, 11 041 ماسەلەنى شەشۋگە شارالار قابىلدانىپتى.
ورتالىق ماماندارىنىڭ مالىمدەۋىنشە, ءوتىنىش بىلدىرگەندەردىڭ 60%-ى اتاۋلى الەۋمەتتىك كومەك تاعايىنداۋ (35 175), 8%-ى تۇرعىن ءۇي (5 051), 5%-ى كاسىپكەرلىك (2 652), 4%-ى زاڭ كومەگى (2044), 4% -ى جۇمىسپەن قامتۋ جانە باسقا دا سۇراقتاردى كوتەرگەن. ماسەلەلەردىڭ باسىم كوپشىلىگىن شەشۋگە شارالار قابىلداندى. سونىمەن قاتار اتاۋلى الەۋمەتتىك كومەك تاعايىنداۋعا قۇجاتتار دايىندالىپ, بىرىڭعاي جيناقتاۋ قورىنىڭ قىزمەتتەرى مەن تۇرعىن ءۇي ماسەلەلەرىنە, جۇمىسقا ورنالاسۋعا قاتىستى جانە قۇقىقتىق جانە پسيحولوگيالىق كومەك كورسەتىلدى.
مەملەكەتتىك قىزمەتتەردى بىرىكتىرەتىن جانە ولاردى «ءبىر تەرەزە» قاعيداتى بويىنشا ۇسىناتىن ورتالىق ماماندارى ءار وتباسىمەن جەكە جۇمىس جۇرگىزەدى. اشىق الاڭدا ەلوردا تۇرعىندارىنا دەنساۋلىق ساقتاۋ, جۇمىسپەن قامتۋ, ءبىلىم بەرۋ, تۇرعىن ۇيمەن قامتاماسىز ەتۋ جانە كاسىپكەرلىكتى باستاۋ بويىنشا جۇيەلى كەڭەستەر مەن كومەك كورسەتىلەدى. ورتالىق بەيبىتشىلىك كوشەسى, 14-ءۇي مەكەنجايىندا ورنالاسقان.
