ەلوردادا «ماحاببات سىيلاعىم كەلەدى» اتتى الەۋمەتتىك شارا ءوتتى. بۇل تۋرالى استانا اكىمدىگىنىڭ رەسمي سايتى حابارلادى. «Instagram» الەۋمەتتىك جەلىسىندە ءارتۇرلى ۇيىمداردىڭ ەرىكتىلەرى مۇقتاج ادامدارعا كومەك كورسەتەتىن shag_vmeste_astana ء(بىر قادام بىرگە استانا) قاۋىمداستىعىن قۇردى.
«ءبىز ازىق-تۇلىك پەن كيىم-كەشەك ساتىپ الامىز, ونى كوپبالالى وتباسىلارعا, الەۋمەتتىك جاعىنان از قامتىلعان وتباسىلارعا, جالعىزباستى زەينەتكەرلەرگە تاراتامىز. بارلىق فوتو جانە بەينە ەسەپتەردى ءبىزدىڭ پاراقشادان تابۋعا بولادى. ءبىزدىڭ ۇيىمدا تۇراقتى نەگىزدە 9 ەرىكتى جۇمىس ىستەيدى. اككاۋنتتىڭ تۇراقتى جازىلۋشىلارى ۇلكەن كومەك كورسەتەدى. ءبىر اپتا ىشىندە 10 وتباسىعا كومەكتەستىك. كومەكتى ۇيىمداستىرۋ قيىن ەمەس, ەڭ باستىسى, جاقسىلىق جاساۋعا نيەت» دەيدى توپ ەرىكتىسى عاليا.
ەرىكتىلەردىڭ قايىرىمدى ىستەرى اراسىندا دتسپ دياگنوزى بار بالالارعا كومەك كورسەتەتىندەردى دە كەزدەستىرۋگە بولادى. بارلىق تىلەك بىلدىرۋشىلەر كومەك كورسەتە الادى. Instagram-داعى dobraya_pokupka پاراقشاسىندا بارلىق تىلەك بىلدىرۋشىلەر دتسپ دياگنوزى بار بالالاردىڭ انالارىنىڭ قولىمەن جاسالعان زاتتاردى ساتىپ الا الادى. ال ساتىلىمنان تۇسكەن اقشا بالالاردى
ەمدەۋگە جۇمسالادى.
