ءار ادامنىڭ جەكە كۋالىگىنىڭ جارامدىلىق مەرزىمى اياقتالعانعا دەيىن ءبىر اي قالعاندا ونى اۋىستىرۋ مۇمكىندىگى بار. بۇل تۋرالى نۇر-سۇلتان قالاسىنىڭ پوليتسيا دەپارتامەنتى حابارلادى.
«اكىمشىلىك قۇقىق بۇزۋشىلىق تۋرالى» قازاقستان رەسپۋبليكاسى كودەكسىنىڭ 492-بابىنا سايكەس, قازاقستان رەسپۋبليكاسى ازاماتتارىنىڭ كۇنتىزبەلىك ون كۇننەن ءبىر ايعا دەيىنگى مەرزىمدە جەكە كۋالiكسiز نەمەسە جارامسىز جەكە كۋالىكپەن نە تۇرعىلىقتى جەرى بويىنشا, ۋاقىتشا بولاتىن (تۇراتىن) جەرى بويىنشا تiركەۋسىز تۇرۋى – ەسكەرتۋ جاساۋعا, ال ءبىر ايدان استام مەرزىمدە جەتى ايلىق ەسەپتiك كورسەتكiش مولشەرiندە ايىپپۇل سالۋعا اكەپ سوعادى. وسىعان بايلانىستى ازاماتتارعا دەر ۋاقىتىندا جەكە كۋالىكتەرىنىڭ جارامدىلىق مەرزىمىن تەكسەرىپ تۇرۋدى جانە ولاردى اۋىستىرۋ ءۇشىن تۇرعىلىقتى جەرى نەمەسە ناقتى بولۋ ورنى بويىنشا حالىققا قىزمەت كورسەتۋ ورتالىقتارىنا جۇگىنۋدى سۇرايمىز» دەپ حابارلادى قۇزىرلى مەكەمە.
تولەن تىلەۋباي
