جاردەماقى الۋ جەڭىلدەدى
بالا تۋعاندا بەرىلەتىن بىرجولعى جاردەماقى مەن ءبىر جاسقا تولعانعا دەيىنگى بالا كۇتىمىنە بايلانىستى بەرىلەتىن تولەمدەردى رەسىمدەۋ جەڭىلدەدى. ەندى بۇل جاردەماقىلاردى ەلەكتروندى ۇكىمەت پورتالى ارقىلى ءبىر عانا ءوتىنىش بەرىپ, الۋعا بولادى.
«ازاماتتارعا ارنالعان» مەملەكەتتىك كورپوراتسياسىنىڭ فيليالى – زتمو ديرەكتورىنىڭ ورىنباسارى سەرىكحان سابىرجانوۆتىڭ ايتۋىنشا, اتا-انانىڭ ەلەكتروندىق تسيفرلىق قولتاڭباسى بولعان جاعدايدا, «Connection point» قىزمەتى ارقىلى ۇيدە وتىرىپ-اق ءوتىنىش بەرۋگە بولادى. ول ءوتىنىش جاردەماقى تاعايىنداۋ تۋرالى شەشىم قابىلدايتىن زەينەتاقى تولەۋ جونىندەگى ورتالىققا اۆتوماتتى تۇردە جىبەرىلەدى. بۇرىن بۇل قىزمەتتى الۋ ءۇشىن ازاماتتار اتالمىش جاردەماقىلاردى تاعايىنداۋعا قاتىساتىن بارلىق مەملەكەتتىك ورگاندارعا ءوزى بارۋى قاجەت بولاتىن.
ايتپاقشى, ءبىر جاسقا دەيىنگى بالا كۇتىمىنە بايلانىستى الەۋمەتتىك تولەمدەردى ءوز بەتىنشە ەسەپتەۋگە دە بولادى. اي سايىنعى تولەم كولەمى سوڭعى 24 ايداعى ورتاشا ايلىق كىرىستى 0,4 – كىرىستى الماستىرۋ كوەففيتسيەنتىنە كوبەيتۋ ارقىلى انىقتالادى. مىسالى, سوڭعى ەكى جىلداعى ورتاشا ايلىق تابىسىڭىز 60 مىڭ تەڭگەنى قۇراسا, وندا اي سايىنعى تولەم كولەمى 24 مىڭ تەڭگەنى قۇرايدى. ال جۇمىسسىز انالارعا تولەنەتىن اي سايىنعى الەۋمەتتىك تولەم مولشەرى ءبىرىنشى بالا ءۇشىن 5,76 اەك, ەكىنشى بالا ءۇشىن 6,81 اەك, ءۇشىنشى بالا ءۇشىن 7,85 اەك جانە ءتورتىنشى بالا ءۇشىن 8,90 اەك-ءتى قۇرايدى. 2016 جىلى بىرجولعى جاردەماقى كولەمى ءبىرىنشى, ەكىنشى جانە ءۇشىنشى بالالار ءۇشىن 31,41 اەك جانە ءتورتىنشى بالا ءۇشىن 52,35 اەك-ءتى قۇرايدى.
جىل باسىنان بەرى مەملەكەتتىك كورپوراتسيا ارقىلى 116 مىڭ اناعا بالا تۋىنا بەرىلەتىن جاردەماقى جانە بالا كۇتىمىنە بايلانىستى الەۋمەتتىك تولەماقى تاعايىندالعان.